चीन र जापानले दिने कोरोनाविरुद्धको खोप यसै साता नेपाल आइपुग्ने

काठमाण्डौ १८ साउन । चीन र जापान सरकारले अनुदानमा दिने घोषणा गरेको नोबेल कोरोना भाइरसविरुद्धको खोप यसै सातानेपाल आउने भएको छ । स्वास्थ्य राज्यमन्त्री उमेश श्रेष्ठले चीनबाट १६ लाख र जापानबाट १६ लाख खोपको मात्रा यही साता नेपाल आउने जानकारी गराउनुभयो ।

गृहमन्त्रालयमा आईतवार भएको छलफलमा उहाँले यसबारेमा जानकारी गराउनुभएको हो । चीनले यसअघि पनि नेपाललाई दुई चरणमा १८ लाख मात्रा भेरोसेल खोप अनुदानमा दिएको थियो। त्यसबाहेक सरकारले चीनसँग ४० लाख डोज खोप पनि खरिद गरिसकेको छ।

प्रतिक्रिया दिनुहोस्