शिक्षण र पत्रकारिता पेशा छोडेर कृषि पेशामा रमाउँदै अमर क्षितिज भण्डारी
दाङ ३१ वैशाख । नेपालमा पछिल्लो समय रोजगारी पाउन मुस्किल हुँदा युवाहरु बैदेशिक राजगारमा जाने क्रम बढ्दो छ भने स्वदेशमै रहेकाले पनि कृषि बाहेक अन्य ब्यबसाय गर्ने गरेका छन् तर केही यस्ता युवाहरु पनि छन् । जसले १२ बर्षे देखिको शिक्षण पेशा छोडेर स्वदेशमै बसेर कृषिमा क्रान्ति गर्नको लागि लाखौ रुपैयाँ लगानी गरेर कृषि पेशा गरेको हामिले भेटाएका छौ ।
घोराही उपमहानगरपालिका वडा नम्बर ९ अस्वारा निवासी ३८ बर्षिय युवा अमर क्षितिज भण्डारी बिगत १२ बर्ष देखि लागेको शिक्षण पेशा र पत्रकारिता पेशा छोडेर अहिले ब्यबसायिक कृषि पेशामा लागेर अहिले खेत बारीमै औला खियाउँदै छन् । कर्मभुमी तरकारी तथा पशुपक्षी कृषि फार्म नामक फर्म दर्ता गरेर कृषि पेशा संचालनमा ल्याएका छन् ।
देशको अबस्था संगै कोरोना कहरका कारण देशमा लकडाउन भएपछि उनले अहिले तरकारी खेति सुरु गरेका छन् । आफु तरकारी खेतिमा लाग्दा र आफुले गरेको खेतीबाट सफलता मिल्दा निकै सन्तुष्ट मिलेको बताए । १२ कठ्ठा आफ्नै जग्गा र १२ कठ्ठा जग्गा भाडामा लिएर तरकारी खेती गरेका छन् ।
खेती सुरु गरेको करिव २ महिनाको अन्तरालमा अहिले धेरै तरकारीहरु बिक्रीका लागि तयार भएका छन् । काक्रा, भिन्डी, बोडी, सिमी, करेला, लौका, फर्सी, भान्टा, मकै लगायतका खेती रहेकोमा अहिले काक्रा, लौका र करेला बिक्रीका लागि तयार छन् । ती मध्ये काक्रा ७ क्वीइन्टल बिक्री समेत भइसकेको छ । सुरुवाती चरणमै राम्रो आम्दानी भएको छ ।
५ लाख लगानीमा खेती सुरु गरेका भन्डारीले निकट भविष्यमा २५ लाख सम्म पु¥याउने सोचमा छन् । केही भौतिक संरचना बनाउन बाँकी छन् भने केही कृषि औजार खरिद गर्न पनि बाँकी छन् । तरकारी मात्रै नभएर पशुपालन पनि गर्ने उनको तयारी छ । अहिले उनीसंग अमेरीकन पेकिङ जातको हाँस पनि बिक्रीका लागि तयारी अबस्थामा छन् । नेपालको कृषि प्रदान देश भन्ने नारामा भने उनको चित्त दुखेको छ । कारण हो नेपालमा कृषि कुनै पनि मानिषको प्राथमिकतामा नपर्नु । जसले मुख्य पेशा नै कृषि बनाएर काम गरेको छ उसले कृषि अनुदान नपाउने, कृषिको अनुभवनै नभएका नेतृक्त्वहरु देशले पाउनु जस्ता कुराले उनलाई निकै पिरोलेको छ । सम्बन्धीत निकायले कृषिलाई अगाडि बढाउने हो भने देश उन्नति तर्फ जाने पनि उनको बुझाई छ ।
बिशेष गरी कृषि पेशा अंगालेका कृषकहरुको लागि स्थानीय सरकारले बिशेष प्याकेज ल्याउने र बजारीकरणको नयाँ नीतिका साथ काम गर्नु पर्ने उनको माग छ । साथै किसानहरुलाई बिभिन्न राहत तथा प्रोत्साहन स्वरुप रकम उपलब्ध गराएमा पनि कृषि पेशालाई निरन्तरता दिन सकिने भण्डारीको अनुरोध छ ।
अमर क्षितिज भण्डारी मात्रै हैन उनी जस्तै सबै किसानको सोच र स्थानीय सरकार लगायत सम्बन्धीत निकायले कृषि पेशालाई प्राथमिकतामा राखेर काम गरेपछि मात्र नेपाल कृषि प्रदान देश भन्ने नाराले सार्थकता पाउने देखिन्छ ।
