लुम्बिनी प्रदेशकाे राजधानी दाङ सहित सात वटै प्रदेशमा प्रदेश निर्वाचन कार्यालय स्थापना

दाङ १८ चैत्र। निर्वाचन आयोगले सात वटै प्रदेशमा प्रदेश निर्वाचन कार्यालय स्थापना गरेको छ । बुधबार प्रदेश निर्वाचन कार्यालयहरुको प्रमुख निर्वाचन आयुक्त दिनेशकुमार थपलियाले भर्चुअल माध्यमबाट उद्घाटन गरेका छन् ।

आयोगले हाल प्रदेश राजधानी रहेका दाङ मोरङ, धनुषा, मकवानपुर, कास्की, सुर्खेत र कैलाली जिल्लामा साविकका जिल्ला निर्वाचन कार्यालय खारेज गरी प्रदेश निर्वाचन कार्यालय स्थापना गरेको हो । प्रदेश निर्वाचन कार्यालयमा प्रशासन सेवाका उपसचिवको नेतृत्वमा ९ जना कर्मचारी रहनेछन् । प्रमुख निर्वाचन आयुक्त थपलियाले निर्वाचन आयोगलाई संघीय ढाँचा अनुकूल तुल्याउन र आयोगका काम प्रभावकारी बनाउन प्रदेशस्तरमा कार्यालय स्थापना गरिएको बताए ।