स्वर्गद्वारी प्राथमिक तथा गृहिणी महिला आधारभुत विद्यालयको १८ औं वार्षिकोत्सव
भालुवाङ ११ फागुन । दाङको राप्ती गाउँपालिका वडा नम्बर १ भालुवाङमा रहेको स्वर्गद्वारी प्राथमिक तथा गृहिणी महिला आधारभूत विद्यालयको १८ औं वार्षिक उत्सव तथा अभिभावक दिवस शुक्रबार सम्पन्न भएको छ।
विद्यालय व्यवस्थापन समितिका अध्यक्ष बासुदेव पण्डितको अध्यक्षता एवं पुर्व मन्त्री तथा प्रतिनिधि सभा सदस्य मेटमणी चाैधरीको प्रमुख आतिथ्यता तथा राप्ती गाउँपालिकाका अध्यक्ष प्रकाश विष्टको प्रमुख आतिथ्यतामा कार्यक्रम सम्पन्न भएको हो । कार्यक्रममा बोल्दै प्रमुख अतिथि चाैधरीले विद्यालय, समाज कस्तो बनाउने भन्ने कुरामा शिक्षकहरूको महत्त्वपूर्ण भुमिका रहने भएका छन् । जब सम्म शिक्षक तथा अभिभावक र जनप्रतिनिधिहरूमा सकरात्मक सोचाइको विकास हुँदैन तब सम्म नत विद्यालय सुधार हुन्छ नत समाज सुधार हुन्छ त्यसैले हरेक कुरामा सकरात्मक सोचाइ लिएर काम गर्न उनले सवैमा आग्रह गरेका छन् ।
त्यस्तै राप्ती गाउँपालिकाका अध्यक्ष विष्टले मानव जीवनकाे सबै भन्दा महत्त्वपूर्ण कुरा शिक्षा भएको बताउँदै शिक्षण संस्थालाई पठनपाठन सँगसँगै उद्यम उत्पादन गर्ने संस्थाको रुपमा विकास गर्न जरूरी रहेको बताएका छन् । कार्यक्रममा विद्यालयकी प्रधानाध्यापक सविता चाैधरीले विद्यालयको वार्षिक प्रगति तथा आर्थिक विवरण प्रस्तुत गरेकी थिइन् । शिक्षिका गंगा भट्टराईको स्वागत मन्तव्यबाट सुरू भएको कार्यक्रममा विद्यालय व्यवस्थापन समितिका पुर्व अध्यक्ष तथा सञ्चारकर्मी महेश रिजाल, वडा सदस्य पार्वती सुवेदी, कर्णबहादुर केसी लगायतका वक्ताहरूले शुभकामना मन्तव्य व्यक्त गरेका थिए । कार्यक्रममा अक्षयकोषको रकमबाट पुरस्कार वितरण, विभिन्न अतिरिक्त क्रियाकलापका बिजेताहरूलाई पुरस्कार वितरण र विभिन्न व्यक्तित्वहरूलाई सम्मान समेत गरिएको थियोे । कार्यक्रमको सञ्चालन शिक्षिका हुमकला भण्डारीले गरेकी थिइन् ।