छैसठ्ठी हजार जम्मा गरेर २० लाख पाइयो, घरमै पुगेर २० लाखकाे बिमा हस्तान्तरण
शिबराज पन्थी, गढवा २६ कार्तिक ।
देउखुरी गढवा – ७ का २१ बर्षिय मनोज चौधरीको गत साउन ३१ का दिन मोटरसाईकिल दुर्घटनामा परि निधन भयो । उनले ५ महिना पहिले देउखुरीको लमही स्थित आइएमई लाइफ इन्स्युरेन्स कम्पनिमा १० लाखको बिमा गराएका थिए । बिमा रकम बोकेर मंगलबार एका बिहानै बिमा कम्पनिको टिम गढवा – ७ भोजपुर स्थित मृतकको घरमा पुग्यो ।
मृत्युदाबी कार्यक्रमको भुक्तानीको ब्यानर र मृतकको फोटो फ्रेम बोकेर घरमा आइपुगेका बिमा कम्पनिका मानिसहरुलाई देखेर घरको पेटीमा बसेकी मृतककी आमा जउनी चौधरी र श्रीमति साधना चौधरी भक्कानो छोडेर रुन थालिन् । मोटरसाइकल दुर्घटनामा परेर मृत्यु भएका छोरा र श्रीमानको फोटो फ्रेम देख्दा उहाँहरु स्तब्ध भएपनि सबैले संझाएपछि राहात रकम पाउँदा भने मन सम्हाल्न पुगिन् ।
बिमा कम्पनीका पुर्व क्षेत्रीय प्रमुख यमलाल न्यौपाने, लमही शाखाका प्रमुख कृष्णकुमार चौधरी, एजेन्सी म्यानेजर कमल आचार्य, जमानसिंह गिरी र बिनोद चौधरी लगायतको टोलीले मृतकको घरमा पुगेर श्रद्दाञ्जली सभा गर्दै बिमा रकमको प्रमाण–पत्र हस्तान्तरण गरे ।
बिगत पाँच महिना अघि मृतक मनोज चौधरीले १० लाख बिमांकको बिमा गरेका र उनको दुर्घटना भै निधन भएकोले कम्पनीले सबै मिलाएर २० लाखको रकम मृतकको हकवाला ८ बर्षीय छोरा मनिष चौधरीको नाममा खोलिएको लमही स्थित माछापुछे्र बैकको खातामा हाल्दियो । छोरा नाबलक भएकोले बिमाको सो रकम मृतककी श्रीमति साधना चौधरीले बैंकबाट निकाल्न पाउनुहुने भएको छ ।
आफू जिवित हुँदा मनोजले गरेको बिमाले शेषपछि घर परिवारलाई राहात भएको छ । गत साउन ३१ गते गढवा ७ भोजपुरका मनोज चौधरी र सुरज नारायण चौधरीको मोटरसाइकिल दुघृटनामा परि बलरामपुरको सानोनदिमा खसेर निधन भएको थियो ।
बिमाको रकम निकासी गर्न बिभिन्न कठिनाई र झन्जट ब्यहोर्नुपर्छ भन्ने सुनेको थिएँ तर आज बिमा कम्पनीले घरमै आएर रकम हस्तान्तरण गरेको छ –मृतककी श्रीमति साधना चौधरीले भनिन् ।
गढवा गाउँपालिकाका वडा सदस्य जानकी चौधरी, पे्रस सल्लाहकार ,स्थानीय गाउँलेहरु र घर परिवारको रोहबरमा बिमा कम्पनिको टोलीले बिमा रकमको प्रमाण हस्तान्तरण गरेको हो । बिमा रकमले पिडितका परिवारलाइ आर्थिक राहात भएको पारिबारिक श्रोतद्धारा बताइको छ ।
