राप्ती गाउँपालिकाको कार्यपालिका सदस्यमा ६ जना सदस्य निर्वाचित
भालुवाङ १० जेठ । राप्ती गाउँपालिकाको कार्यपालिका सदस्यमा ६ जना सदस्यहरू निर्वाचित भएका छन् ।
मंगलबार भएको निर्वाचनमा निर्वाचित ४ जना सदस्य र बाहिरबाट मनोनित २ जना गरि ६ जना कार्यपालिका सदस्यमा निर्वाचित भएका हुन् ।
निर्वाचित हुने सदस्यमा संजिव परियार, पार्वती सुवेदी, गिता चाैधरी, रणबहादुर सार्की पुजाली, चम्फा भुसाल र सावित्री चाैधरी रहेका छन् । उनीहरू मध्ये बाहिरबाट मनोनित हुनेमा नेपाली कांग्रेसबाट परियार र माओवादीबाट पुजाली रहेका छन् ।
यसै बिच निर्वाचित कार्यपालिका सदस्यहरुलाई एक समारोहका बिच प्रमाण पत्र वितरण तथा शपथ ग्रहण गराइएको छ । गाउँपालिकाका अध्यक्ष प्रकाश बिष्टले कार्यपालिका सदस्यहरुलाई शपथ खुवाएका थिए ।
प्रतिक्रिया दिनुहोस्
