एक मिनेटमा १२३ पटक हात खुट्टा संगै चलाउने अभ्यास गरेका ऋषि परियारले गिनिज बुकमा नाम लेखाए

दाङ १८ फागुन । दाङ तुलसीपुर उपमहानगरपालिका वडा नं. ३ राणागाउँ निवासी ऋषि परियारले विश्व कीर्तिमान कायम गर्न सफल भएका छन् । लामो प्रयास पछि परियारले ‘मस्ट जम्पिङ ज्याक्स् ईन वान मिनेट’ विधामा विश्व र्कीर्तिमान कायम गरेका हुन् ।

एक मिनेटमा १२३ पटक हात खुट्टा संगै चलाउने अभ्यास गरेको भिडियो ‘गिनिज बुक’को कार्यालयमा पठाएका थिए । त्यही भिडियोका आधारमा उनले रेकर्ड कायम गरिएको नतिजा प्रकाशन गरिएको थियो । परियारले त्यसका लागि सन २०२० को जनवरी ३१ तारिकमा आवेदन दिएका थिए । उनी हातले टेकेर एक किलोमिटर हिड्न पनि सक्छन् ।