दाङमा केपी समूहमा लाग्नेलाई कारबाही गर्ने दहाल–नेपाल समूहको निर्णय

घाेराही १२ पुस ।नेकपाका दाहाल–नेपाल समूहको घोराहीमा बसेको बैठकले प्रधानमन्त्री केपी शर्मा ओलीका पक्षमा लाग्नेलाई कारबाही गर्ने निर्णय गरेको छ ।

जिल्ला कमिटिका अध्यक्ष टिकाराम खड्काको अध्यक्षतामा बसेको बैठकले संसद विघटन गर्ने प्रधानमन्त्री ओलीको कदमका पक्षमा लाग्नेलाई कारबाही गर्ने, पुस १४ गते घोराहीमा जिल्ला केन्द्रीत प्रतिगमणका विरुद्ध आन्दोलत गर्ने , १५, १६, १७ र १८ र गते पालिका र वडा स्तरिय आन्दोलन गर्ने निर्णय भएको दाङका संगठन विभाग प्रमुख कृष्ण प्रसाद भुसालले जानकारी दिए ।

बैठकमा नेता द्धोय युवराज ज्ञावली र कृष्ण बहादुर महराको विशेष उपस्थिती रहेको संगठन विभाग प्रमुख भुसालले जानकारी दिए ।