देउखुरीको माैरीघाटमा सडक दुर्घटनामा परि ३ जना घाइते
भालुवाङ १७ मंसिर । दाङको देउखुरीमा सडक दुर्घटनामा परि ३ जना घाइते भएका छन् ।
सोमबार बेलुका साढे ६ बजेको समयमा राप्ती गाउँपालिका वडा नम्बर ४ माैरीघाटमा भएको सडक दुर्घटनामा परि २ वटा मोटरसाइकलका ३ जना घाइते भएका छन् । घाइते हुनेहरूमा राप्ती गाउँपालिका वडा नम्बर ४ माैरीघाट निवासी २१ वर्षिय योगेश कुवर, सोही ठाउँ निवासी १९ वर्षिय अनमोल चाैधरी र ६५ नम्बर माैरीघाट निवासी १४ वर्षिय आकाश चाैधरी रहेको इलाका प्रहरी कार्यालय भालुवाङले जानकारी दिएको छ ।
घाइते तीनै जनालाई सिसहनियाँ स्वास्थ्य चाैकीमा सामान्य उपचार पछि थप उपचारका लागि बुटवल पठाइएको छ । दुर्घटना मोटरसाइकल एक आपसमा ठोक्किएर भएको वा ट्रकले ठक्कर दिएको भन्ने विषयमा एकिन नभएको र दुवै मोटरसाइकलको नम्बर समेत स्पष्ट खुल्न नसकेको प्रहरीले बताएको छ । घटना बारे थप अनुसन्धान भइरहेको र विस्तृत विवरण आउन बाँकी रहेको प्रहरीले बताएको छ ।
