राप्तीमा विभिन्न पार्टी परित्याग गरि एक दर्जन बढी नेता कार्यकर्ता एमालेमा प्रवेश
देउखुरी १६ मंसिर । दाङको राप्ती गाउँपालिकामा आइतवार विभिन्न पार्टी परित्याग गरि एक दर्जन बढी नेता कार्यकर्ता एमालेमा प्रवेश गरेका छन । एकीकृत समाजवादी राप्ती गाउँपालिका वडा कमिटी सदस्य रेखा थापाकाे नेतृत्वमा राप्ती गाउँपालिका वडा नम्बर २ मुक्तिनगर नयाँबस्तीका ज्ञान बहादुर विक, चन्द्रकला चाैधरी, लौथर्नी चौधरी, सरस्वती चौधरी, प्रेम कुमार चौधरी, बालकष्ण कुसुम्या चौधरी, शुसिला मल्ल, शिवा सारु लगायतका नेता कार्यकर्ता नेकपा एमालेमा प्रवेश गरेका हुन् ।
नवप्रवेशीहरुलाई नेकपा एमाले राप्ती गाउँपालिका कमिटीको पार्टी कार्यालय मसुरियामा पार्टी प्रवेश गराएको हो । उक्त कार्यक्रममा नेकपा एमाले केन्द्रीय सदस्य तथा लुम्बिनि प्रदेश सरकारका कृषि तथा सहकारी मन्त्री दिनेश पन्थी, लुम्बिनि प्रदेश कमिटि सदस्य तथा राप्ती गाउँपालिका इन्चार्ज जगत पोख्रेल, दाङ जिल्ला कमिटि सदस्य धर्मराज अधिकारी लगायत पार्टीका जिम्मेवार नेता कार्यकर्ताको उपस्तिथि रहेको थियो । भने कार्यक्रमको सहजीकरण भरतमणी न्यौपानेले गरेका थिए ।
