दाङको शान्तिनगरबाट १० जना जुवाडे पक्राउ

दाङ ५ कात्तिक ।  दाङको शान्तिनगरबाट १० जना जुवाडे पक्राउ परेका छन् ।

पक्राउ पर्नेमा शान्तिनगर–४ निवासी ५३ बर्षीय देब बहादुर केसी, सोही ठाउँका ५४ बर्षीय सालिकराम भण्डारी, ४३ बर्षीय मेघ बहादुर केसी, ३६ बर्षीय कमल बुढाथोकी, ४८ बर्षीय कालुराम चौधरी, ३१ बर्षीय तेज घर्ती, ४९ बर्षीय धर्म चन्द, ५७ बर्षीय यज्ञ बहादुर केसी, ४२ बर्षीय यज्ञराज डागी र कंचनपुरको बेलौरी नगरपालिका–८ का ३६ बर्षीय बिक्रम चौधरी रहेको इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक प्रकाश थापाले जानकारी दिएका छन् ।

शान्तिनगर–४ जुम्लेकुलाका धर्म चन्दको घरमा अबैध रुपमा जुवा खेली खेलिरहेको भन्ने गोप्य सूचनाको आधारमा इप्रका तुलसीपुरबाट खटिएको प्रहरीले गएराती साढे १० बजेको समयमा उनीहरुलाई पक्राउ गरेको प्रहरी निरीक्षक थापाले बताए । उनका अनुसार उनीहरुको साथबाट एक लाख ६४ हजार ३ सय पाँच रुपियाँ, ५ थान मोबाइल र १ गड्डी तास समेत बरामद गरीएको छ । घटनाबारे थप अनुसन्धान भइरहेको प्रहरीले जनाएको छ ।