कृत्रिम खुट्टाले बिश्वको सर्बोच्च शिखर सगरमाथाको सफल आरोहण गर्ने रोल्पाका हरि बुढालाई सभामुख घर्तीद्वारा सम्मान

भालुवाङ १२ फागुन । कृत्रिम खुट्टाले बिश्वको सर्बोच्च शिखर सगरमाथाको सफल आरोहण गरी अपांगता भएका ब्यक्ति पनि उदाहरणीय कार्य गर्न सक्छ भन्ने बिश्व सन्देशका साथ नयाँ कृतिमान राख्नु भएका थवाङ गाउँपालिका -३ रोल्पा निवासी हरी बुढा मगरलाई आज लुम्बिनी प्रदेश सभा सचिवालयमा सम्मान गरिएको छ ।

लुम्बिनी प्रदेशका सभामुख तुलाराम घर्ती मगरले उहाँलाई सम्मान गर्नु हुँदै आत्मबिश्वास,जागरुकताले नै असम्भव लाग्ने काम पनि सजिलै सम्पन्न गर्न सकिने बताए । विश्व कृतीमानी कार्यले नेपाललाई बिश्वसामु चिनाउन महत्त्वपूर्ण टेवा पुगेको बताउनु हुँदै उनले साहित्यमा झमक घिमिरे जस्तै साहसीक कार्यमा हरी बुढामगरको नाम अमर रहने बताए । कृत्रिम खुट्टाको साहरामा सगरमाथाको सफल आरोहणले मानवजातिलाई नै उत्प्रेरणा दिएको उनले बताए । सगरमाथा आरोही बुढामगरले सम्मानले आफुलाइ अझै साहसिक कार्य गर्ने प्रोत्साहन मिलेको बताउदै विभिन्न ७ देशका अग्ला हिमालको आरोहण गर्ने बताए । अपांगता भएको ब्याक्तीले पनि सबलाङ्ग सरह काम गर्न सक्छ भन्ने सन्देश दिन पनि आफुले साहसिक कार्यमा हात हालेको उनको भनाइ छ । उनले बिश्व शान्तिको लागि बिश्व अभियान संचालनको तयारी गरेको पनि जानकारी दिए ।

उनी बिर्टिस सेनामा सेवारत रहदा अफगानिस्थान युद्धमा घाइते भएका थिए । दुबै खुट्टाको घुडा भन्दा तलको भाग गुमाएका बुढा मगर २०८० जेठ ६ गते सगरमाथाको सफल आरोहण गरेका थिए । सन् २०१० मा अफगानिस्तानमा एम्बुस विष्फोटमा परी दुवै गोडा गुमाएका उनी सगरमाथा आरोहण गर्ने दुवै घुँडाभन्दा माथि गोडा गुमाएका (डबल एम्पुटी अबोभ नी) पहिलो व्यक्ति हुन् । सम्मान कार्यक्रम प्रदेश सभा सचिब दुर्लभकुमार पुन, सह सचिब ईश्वरी प्रसाद आचार्य, सभामुखकोप्रमुख स्वकीय सचिब पदम सोमै लगायत सचिवालयका कर्मचारीको उपस्थिति रहेको थियो ।