देउखुरीको बिजाैरीमा मोटरसाइकल दुर्घटनामा परि २ जना घाइते

भालुवाङ १ माघ । दाङ देउखुरीको बिजाैरीमा मोटरसाइकल दुर्घटना हुँदा २ जना घाइते भएका छन् ।

पुर्व देखि पश्चिम जाँदै गरेको रा ६ प ४३८ नम्बरको मोटरसाइकल सोमबार दिउँसो १:१५ बजेको समयमा लमही- भालुवाङ सडक खण्डको राप्ती गाउँपालिका-८ बिजाैरीमा अनियन्त्रित भई पल्टिदा चालक राप्ती गाउँपालिका वडा नम्बर ४ माैरीघाट निवासी २१ वर्षिय दिनेश चाैधरी र मोटरसाइकलमा सवार सोही ठाउँ निवासी २३ वर्षिय ईश्वर चाैधरी घाइते भएका छन् ।

घाइते मध्ये चालकको दायाँ खुट्टा भाँचिएको छ भने मोटरसाइकलमा सवार ईश्वरलाई सामान्य चोट लागेको इलाका प्रहरी कार्यालय सिसहनियाँले जानकारी दिएको छ । घाइते चालकको अहिले सिसहनियाँ स्वास्थ्य चाैकीमा उपचार भइरहेको प्रहरी बताएको छ ।