दाङकाे कुइरेपानीमा मिनी ट्रकले मोटरसाइकललाई ठक्कर दिँदा एक जनाको मृत्यु, दुई घाइते
दाङ ५ चैत । दाङमा आइतवार बेलुका मिनी ट्रकले मोटरसाइकललाई ठक्कर दिँदा एक जनाको मृत्यु भएको छ भने दुई जना गम्भीर घाइते भएका छन्।
घोराहीबाट लमहीतर्फ जाँदै गरेको ०३००१ क ०१६९ नम्बरको मिनी ट्रकले घोराही लमही सडकखण्डको कुइरेपानीमा प्रदेश ०२ – ०६१ प ३६५७ नम्बरको मोटरसाइकललाई ठक्कर दिँदा मोटरसाइकलमा सवार प्यूठान नौवहिनी गाउँपालिका–६ का ३२ वर्षका राजन केसीको मृत्यु भएको प्रहरीले जनाएको छ
दुर्घटनामा घाइते भएका केसीको उपचारका क्रममा राप्ती स्वास्थ्य विज्ञान प्रतिष्ठान घोराहीमा मृत्यु भएको हो। दुर्घटनामा केसीकी श्रीमती २६ वर्षकी सन्ध्या केसी र दुई वर्षकी छोरी राष्ट्रियता केसी गम्भीर घाइते भएकी छन्। घाइतेको दुवै जनाको घोराहीस्थित राप्ती स्वास्थ्य विज्ञान प्रतिष्ठानमा उपचार भइरहेको दाङका प्रहरी प्रवक्ता डिएसपी राजन गौतमले जानकारी दिए।
प्रतिक्रिया दिनुहोस्
