दाङकाे घाेराहीबाट नेपालगञ्ज तर्फ जाँदै गरेकाे ट्रकमा एक्कासी आगलागी
घाेराही ११ मसिंर । दाङकाे घोराही सिमेन्ट उद्योगबाट नेपालगञ्ज तर्फ जादै गरेको लु २ ख १०२७ नम्बरको ट्रकमा गए राती घोराही उपमहानगरपालिका ३ मसोटमा आगलागी भएको छ ।
आगलागीबाट ट्रक पुर्ण रुपमा जलेर नष्ट भएको लुम्बिनी प्रदेश प्रहरी कार्यालय दाङका प्रवक्ता एवं प्रहरी वरिष्ठ उपरिक्षक राजकुमार बैदावारले जानकारी दिए । प्रहरीका अनुसार वाईरिङ तार सर्ट हुदा आगलागी भएको हुन सक्ने प्रारम्भिक अनुसन्धानबाट खुलेको छ ।
यस्तै रोल्पामा स्काभेटर माथी आगजनी भएको छ । जिल्लाको सुनिलस्मिृती गाउपालीका १ घोरखोलामा रहेको स्काभेटरमा आगजनी भएको हो । प्युठानको किमिचौरदेखी रोल्पाको होलेरी सडक खण्ड निमार्णाधिन पुलमा प्रयोग भईरहेको आशु निर्माण सेवा रा १ क ३६७ नम्बरको स्काभेटरमा अज्ञात समुहले आगो लगाएको प्रहरीले बताएको छ ।
स्काभेटरमा सामान्य क्षती भएको प्रहरीले बताएको छ । प्रहरीका अनुसार आगजनी गरेको आसंकामा सोही ठाँउ बस्ने वर्ष ३३ को निरिपेन्द्र शाह र वर्ष २७ को प्रदिप कुवँरलाई पक्राउ गरी थप अनुसन्धान भईरहेको प्रहरीले बताएको छ ।
