विद्युत प्राधिकरणद्धारा ४५ दिनभित्रै सबै सडक बत्तीहरुको मिटर राख्न स्थानीयतहरुलाई सूचित

दाङ ७ पुस । नेपाल विद्युत प्राधिकरणले ४५ दिनभित्रै सबै सडक बत्तीहरुको मिटर राख्न स्थानीय तहरुलाई सूचित गरेको छ । एक सूचना जारी गर्दै प्राधिकरणले स्थानीय तहरुलाई विना अनुमति प्राधिकरणले बिजुलीको प्रयोग गरेर सडक बत्ती नजोड्न भनेको छ ।

सहमति नलिई आफूखुसी सडक बत्ती जडान गर्ने क्रम बढेको भन्दै प्राधिकरणले सडक बत्तीको विद्युत शक्तिको मापन र विद्युत खपतपछिको महसुल भुक्तानीमा झमेला आएर नोक्सानी व्यहोर्नु परेको बताएको छ ।

सबै गाउँपालिका, नगरपालिका, उपमहानगरपालिका र महानगरपालिकालाई प्राधिकरणले सडक बत्तीको महसुलको भुक्तानी यथाशीघ्र गर्न अनुरोध गरेको छ ।

त्यसैगरी वितरण केन्द्रहरुबाट अनुमति लिएर मात्रै सडक बत्ती जडान गर्न र जडान भइसेकका सडक बत्तीको बिजुली खपत मापन गर्न ४५ दिनभित्रै बिजुली मिटर राख्न समेत सूचित गरेको छ ।