लालमटिया स्वास्थ्य चौकीका एक जना कर्मचारीमा कोरोना देखिएपछि कार्तिक २६ सम्मका लागि सिल

अत्यावश्यक सेवा बाहेक अन्य सबै सेवा बन्द
देउखुरी टुडेकर्मी, भालुवाङ १९ कार्तिक । देउखुरीको राप्ती गाउँपालिका वडा नम्बर १ भालुवाङमा रहेको लालमटिया स्वास्थ्य चौकीका एक जना कर्मचारीमा कोरोना देखिएपछि कार्तिक २० गते देखि कार्तिक २६ गते सम्मका लागि अत्यावश्यक सेवा बाहेक अन्य सबै सेवा बन्द गरेको छ ।

स्वास्थ्य चौकी व्यवस्थापन समितिको बुधवार बैठक पछि एक सूचना जारी गर्दै स्वास्थ्य चौकीबाट प्रवाह हुने अत्यावश्यक सेवा बाहेक अन्य नियमित सेवाहरु बन्द भएको जनाएको हो । विगत केही समय देखि देशैभर कोरोना संक्रमण बढ्दै गएकोमा दाङ जिल्लामा पनि पछिल्लो समयमा संक्रमण बढ्दै गएको विदितै छ । यहि सन्दर्भमा स्वास्थ्य चौकीमा कार्यरत १ जना स्वास्थ्य कर्मचारीमा कोरोना भाइरस संक्रमण पुष्टि भएकोले निजहरूको नजिकको सम्पर्कमा रहेका व्यक्तिहरुलाई सजग रहन अनुरोध समेत गरेको छ ।