एमालेको पक्षमा जनलहर, लमही–६ को कोण सभामा थामिनसक्नुकाे भिड

नेकपा एमाले लमही नगरपालिका वडा नं. ६ वडा कमिटिका अध्यक्ष शेषमणी अधिकारीको अध्यक्षता तथा नेकपा एमाले केन्द्रिय सदस्य, संघिय सांसद गंगा थारु सत्गौवाको प्रमुख आतिथ्यतामा सम्पन्न सभालाई सम्वोधन गर्दै थारुले विपक्षी पाँच दलिय गठबन्धन एमसीसी पास गरेवाफत प्राप्त भएको रकमको बलमा चुनाव लड्न तम्सिएको बताए ।

एमसिसि पास गर्ने पाँच दलिय गठबन्धनलाई जनमतबाट हराउनुपर्ने बताएका हुन् । कार्यक्रमलाई नेकपा एमाले केन्द्रिय लेखा आयोगका सदस्य तथा लुम्बिनी प्रदेश सभा सदस्य रेवतीरमण शर्माले जनतामाझ पार्टी अध्यक्ष केपी शर्मा ओलीको लोकप्रियता देखेर विपक्षी अत्तालिएपछी पाँच दलिय गठबन्धन बनाएको बताए ।

त्यो गठबन्धन स्थानीय तहको निर्वाचन पश्चात आफै फुस्किने बताए । चुनावी सभालाई चर्चित अभिनेत्री तथा एमाले नेतृ करिस्मा मानन्धरले एमाले सहि पार्टी भएकै कारण आफु यसमा आवद्ध भएको बताइन् । कार्यक्रमलाई नेकपा एमाले केन्द्रिय अनुशासन आयोगका सदस्य तथा लुम्बिनी प्रदेश सभा सदस्य सरस्वती गौतम, नेकपा एमाले लुम्बिनी प्रदेश कमिटि सदस्य एवम् लमही नगरपालिकाका प्रमुख कुलबहादुर केसी, प्रदेश कमिटि सदस्य तथा प्रखर वक्ता नारायण डिसी छम्पाली, लमही नगरपालिका मेयर पदका उम्मेदवार दण्डिराम चौधरी, उपमेयर पदका उम्मेदवार शुसीला शर्मा, लमही नगरपालिका वडा नं. ६ का अध्यक्षका उम्मेदवार गोमा बस्नेत लगायतले सम्वोधन गरेका थिए । कार्यक्रमको सञ्चालन नगर कमिटि सचिव भानु जोशीले गरेका थिए।