दाङको तुलसीपुर आपराधिक ट्राजिन्ट प्वाइन्ट बन्दै, दशैकाे टिका लगाउन ससुराली गएका एक युवकमाथि कुटपिट

देउखुरी टुडेकर्मी, दाङ १२ कार्तिक ।

पछिल्लो समय दाङको तुलसीपुर आपराधिक ट्राजिन्ट प्वाइन्ट बन्दै गएको छ । दिनहूँ जसो तुलसीपुर क्षेत्रमा कुनै न कुनै आपराधिक घटनाहरु घट्काे समाचारहरु आइरहेको छ । लुम्बिनी प्रदेशको प्रदेश प्रहरी कार्यालय समेत रहेको तुलसीपुर क्षेत्रमा यसरी दिनहूँ यसरी आपराधिक घटना घटिरहनुलाई त्यहाँको सुरक्षा व्यवस्था माथि नै प्रश्न चिन्ह खडा भएको छ ।

यस्तै तुलसीपुरमा दशैकाे टिका लगाउन ससुराली गएका एक व्यक्तिमाथि कुटपिट भएकाे छ । तुलसीपुर १४ भोजपुर स्थित ससुराली आएका तुलसीपुर १३ तुईखोला निबासी ३५ बर्षका तुलसी नेपालीमाथि कुटपिट भएको हाे ।

मंगलबार राति भोजपुरका दुई जना  स्थानीयको कुटपिटबाट घाइते भएका नेपालीको राप्ती प्रादेशिक अस्पताल तुलसीपुरमा उपचार भईरहेको छ । राति १२ बजे तिर स्थानीय प्रकाश चौधरी र निराजन चौधरीले लाठीले हानेर घाइते बनाएको प्रहरीले बताएको छ । यस विषयमा अनुसन्धान भइरहेकोछ ।