राप्ती नदी तटबन्धमा ठेकेदारको चरम लापरबाही : स-साना ढुंगा हालेर तटबन्ध गरिदै

सिसहनियाँ २२ फागुन । राप्ती नदीमा भइरहेको तारजाली तटबन्धमा ठेकेदारको चरम लापरबाही देखिएको छ । दाङ देउखुरीको राप्ती गाउँपालिका वडा नम्बर ६ बगरापुर देखि गढवा गाउँपालिका ३ भुतपुर सम्मको १ हजार २ सय मिटर राप्ती नदीको उत्तर साइडमा भइरहेको तटबन्धमा ठेकेदारले ठुला ठुला ढुंगा हाल्नु पर्नेमा स साना ढुंगा हालेर काम गरेपछि स्थानीयहरूले विरोध जनाउन सुरू गरेका हुन् ।सिचाई मन्त्रालयबाट प्राप्त ६ करोड बजेटबाट प्रगन्ना बड्कापथ सिचाई आयोजना लमहीले सुनछहारी निर्माण सेवा प्रालि मार्फत काम गराउन सुरू गरेको छ । सम्झौता भएको मितिले आउँदो २०७९ असार २५ गते सम्म तटबन्धको सक्नु पर्ने भएको छ । यता कम्पनीका सहायक इन्चार्ज बालाराम बुढामगरले भने स्टिमेट अनुसार काम भएको बताएका छन् । काम गर्ने बेला केही कमजोर भएको हुन सक्छ त्यसलाई आफुले सुधार गर्दै लैजाने बताए ।तार जाली तटबन्ध अन्तरगत हाल सम्म ७ सय मिटर ड्याम उठाउने र २ सय मिटर लन्चिङ जाली भर्ने काम भएको छ । भइरहेको काममा प्रगन्ना बड्कापथ सिचाई आयोजनाले अनुगमन नगर्दा ठेकेदारले लापरबाही गरेको देखिन्छ । काममा भएको लापरबाहीलाई आफुले गम्भीर रूपमा लिएको र सम्बन्धित ठेकेदारलाई तुरुन्त सुधार गर्न निर्देशन दिने बड्कापथ जल उपभोक्ता मुल समन्वय समितिका अध्यक्ष राजेश चौधरीले बताएका छन् ।राप्ती नदीमा भइरहेको तटबन्धको काममा संवेदनशील नहुने हो भने यसले बाढी नियन्त्रण होइन ठुलो नोक्सानी बेहोर्नुपर्ने अवस्था आउन सक्छ । त्यसैले जुनसुकै काममा पारदर्शी भए नभएको नागरिक स्तरबाटै खवरदारी गर्न आवश्यक छ ।