दाङको देउखुरीमा प्रेसर कुकर बम जस्तो शंकास्पद वस्तु फेला
लमही ८ फागुन । दाङको देउखुरीमा प्रेसर कुकर बम जस्तो शंकास्पद वस्तु फेला परेको छ ।
लमही- रिहार सडक खण्ड अन्तर्गत लमही नगरपालिका वडा नम्बर ७ को पदमिनी खोला देखी २ समय मिटर पश्चिम सडक छेउमा प्रेसर कुकरमा तारले जेलिएर राखेको शंकास्पद बस्तु फेला परेको छ ।
गएराती गाडीवालाले गाडी रोकेर पिसाब गर्ने क्रममा देखेर प्रहरीलाई खबर गरेको ईलाका प्रहरी कार्यालय अमिलियाका प्रहरी निरीक्षक राजिब श्रेष्ठले जानकारी दिए ।
अहिले घटनास्थलमा नेपाली सेनाका बम डिस्पोजल टोलि पुगि डिस्पोज गर्ने तयारी गरिरहेको छ । घटनास्थलमा नेपाल प्रहरी, सशस्त्र प्रहरी, नेपाली सेना तैनाथ छन । पुर्व पश्चिम राजमार्गमा सवारी साधनहरु एकातर्फी बाट संचालन भैरहेका छन ।
प्रेसर कुकरमा नो एमसीसी लेखिएको छ । उक्त प्रेसर कुकर कस्ले राख्यो भन्ने अनुशन्धान पछि मात्र भन्न सकिने जिल्ला प्रहरी कार्यालय दाङका प्रवक्ता मुकुन्द प्रसाद रिजालले बताए ।
