देउखुरीकाे राप्तीमा १४ जना सहित दाङमा बिहिबार थप ७८जनामा कोरोना पुष्टि, ३९ जना निको
दाङ १३ माघ । देउखुरीकाे राप्ती गाउँपालिकामा १४ जना सहित दाङमा बिहिबार थप ७८ जनामा कोरोना संक्रमण पुुष्टि भएको छ । ५० जनाको पिसिआर परिक्षणबाट २४ जना र ८५ जनाको एन्टीजेन परिक्षणबाट ५४ जनामा कोरोना संक्रमण पुुष्टि भएको हो ।
यस्तै बिहिबार थपिनेमा घोराहीका २४, तुलसीपुरका २२, दंगीशरणका १२, राप्तीका १४, गढवा २ तथा लमही र जिल्ला बाहिरका १÷१ जनामा कोरोना देखिएको हो । आज ७८ जना थपिएसँगै दाङमा सकृय बिरामीको संख्या ४ सय ७० पुगकोे छ ।
उनीहरु मध्ये ४ सय ६२ जना घरमै, ६ जना आईसीयुुमा र २ जना अक्सिजन सहितको उपचारमा रहेको जिल्ला आपतकालिन कार्य सञ्चालन केन्द्र दाङले जनाएको छ ।
यसैबीच बिहिबार मात्रै थप ३९ जना कोरोना सक्रमणमुक्त भएका छन् । यसरी कोरोना सक्रमणमुक्त हुनेमा घोराहीका १४, राप्तीका ७, लमहीका ६, तुलसीपुरका ४, दंगिशरणका ३, गढवाका १ र जिल्ला बाहिरका ४ जना गरी ३९ जना निको भएका हुन् ।
दाङमा बैशाख यता कोरोना संक्रमित हुनेको संख्या १० हजार ३ सय ८५ जना रहेको छ । ति मध्य ९ हजार ६ सय ९६ जना निको भएका छन् भने २ सय १९ जनाको मृत्युुभएको छ ।
