पछिल्लाेे २४ घण्टामा नेपालमा थप ३१६७ जनामा काेराेना संक्रमण पुष्टि, १८ सय डिस्चार्ज, १२ जनाको मृत्यु

काठमाडौं १ कात्तिक । नेपालमा वितेको २४ घण्टामा ३ हजार १ सय ६७ जना कोरोना भाइरसको सङ्क्रमण पुष्टि भएको छ । १५ हजार ४३८ जनाको आरटीपीसीआर परीक्षण गर्दा तीन हजार १६७ जना कोरोना पुष्टि भएको स्वास्थ्य तथा जनसंख्या मन्त्रालयले जनाएको छ । यससँगै कुल संक्रमितको कुल संख्या एक लाख २९ हजार ३०४ पुगेको छ ।

यस्तै पछिल्लो २४ घण्टामा १ हजार ८ सय जना  कोरोना मुक्त भएका छन् । यससँगै कोरोना मुक्त हुनेको कुल संख्या ८९ हजार ८४० पुगेको छ । अब ३८ हजार ७३७ जना संक्रमित विभिन्न आइसोलेसनमा रहेका छन् । यस्तै वितेको २४ घण्टामा थप १२ जनाको मृत्यु भएको छ। यससँगै कोरोनाबाट मृत्यु हुनेको कुलसंख्या ७ सय २७ पुगेको मन्त्रालयका प्रवक्ता डाक्टर जागेश्वर गौतमले जानकारी दिएका छन् ।