आम निर्वाचनमा भाग लिन एमालेले कसै सँग साहरा लिदैन : प्रथम मुख्यमन्त्री पोख्रेल

माधव नेपालको नेतृत्वमा अलग पार्टी बनेपछि नेकपा एमालेले कार्यकर्ता प्रशिक्षण संगठन बिस्तार र सुदृढीकरण अभियान सञ्चालन गरेको छ ।

दाङ जिल्लाका तीन वटै निर्वाचन क्षेत्रमा बृहत कार्यकर्ता भेला गरेर पार्टी भित्रको अवस्था र अवको रणनीतिको बारेमा स्पष्ट पार्न थालेको हो । शुक्रबार दाङ क्षेत्र नम्बर १ को लमहीमा प्रशिक्षण कार्यक्रम सम्पन्न भएको छ ।

प्रशिक्षण कार्यक्रमलाई नेकपा एमालेका केन्द्रीय सदस्य तथा प्रतिनिधि सभा सदस्य सुजिता शाक्य, प्रतिनिधि सभाका सचेतक तथा नेत्री शान्ता चौधरी, नेकपा एमाले राष्ट्रिय परिषद सदस्य छविलाल वली, प्रतिनिधि सभा सदस्य गंगा थारु, राष्ट्रिय सभा सदस्य कोमल वली, तुलसीपुर उपमहानगरपालिकाका प्रमुख घनश्याम पाण्डे, तुलसा केसी, ध्रुब आचार्य, रामजी चौधरी(मिलन), नेकपा एमाले दाङका सचिव मनोहर बुढाथोकी, लमही नगरपालिकाका नगर प्रमुख कुलबहादुर केसी, गढवा गाउँपालिकाका अध्यक्ष सहजराम यादव, धुपनारायण चौधरी, सीता चौधरी लगायतले सम्बोधन गरेका थिए । क्षेत्रिय सचिव मोहन सिंह बुढाको स्वागत मन्तब्य बाट सुरु भएको कार्यक्रमको सञ्चालन क्षेत्रिय इञ्चार्ज नारायण डिसी छम्पालीले गरेका थिए ।