दाङमा पछिल्लाे २४ घण्टामा थप ५४ जना कोरोना संक्रमित डिस्चार्ज, १३ जनामा संक्रमण पुष्टि
दाङ ३१ जेठ । दाङमा पछिल्लो २४ घण्टामा १३ जनामा कोरोना संक्रमण पुष्टि भएको छ । जिल्ला आपतकालीन संचालन केन्द्रका अनुसार आज ४० जनामा परिक्षण गर्दा ८ महिला र ५ पुरुष गरी १३ जनामा कोरोना संक्रमण पुष्टि भएको हो ।
त्यस्तै पछिल्लो २४ घण्टामा ५४ जनाले कोरोनालाई जितेका छन् । योसंगै जिल्लामा बैशाख यता कोरोनालाई जित्नेको संख्या ७ हजार ४२ पुगेको छ भने संक्रमितको संख्या ७ हजार ५ सय ९१ पुगेको छ । संक्रमित मध्य अहिले अधिकांश संक्रमित होमआइसोलेसनमा बसेका छन् । जसमध्य२ सय ७१ जना होमआईसोलेसनमा बसेका छन् ।
त्यस्तै ८४ जना संस्थागत आईसोलेसनमा रहेका छन भने १५ जना आईसियुमा उपचाररत रहेका छन् । त्यस्तै पछिल्लो २४ घण्टामा कुनै पनि संक्रमितको मृत्यु नभएको केन्द्रले जनाएको छ । जिल्लामा वैशाख यता अहिलेसम्म १ सय ९४ जनाको मृत्यु भएको छ ।
प्रतिक्रिया दिनुहोस्
