प्युठानमा आफैले चलाएको जिप दुर्घटना हुँदा स्वर्गद्वारी नगरपालिकाका उपमेयर राना मगरको मृत्यु

भालुवाङ १३ असार । प्युठानको स्वर्गद्वारी नगरपालिकाका उपमेयर मिनराज राना मगरको जिप दुर्घटनामा मृत्यु भएको छ।

स्वर्गद्वारी-२ बाङ्गेसल्लाबाट धनवाङतर्फ जाँदै गरेको लु प्र ०१-००१ झ ०००८ नम्बरको नगरपालिकाको नाममा रहेको बोलेरो पिकअप जिप दुर्घटना हुँदा उपमेयर ५० वर्षीय राना मगरको मृत्यु भएको हो।शनिबार अपराह्न पौने ५ बजेतिर उपप्रमुख राना आफैंले चलाएको जिप सडकदेखि ३०० मिटर तल खसेको जिल्ला प्रहरी कार्यालयले जनाएको छ। जिपमा उनी एक्लै सवार रहेको प्रहरीले जनाएको छ। उनी राष्ट्रिय जनमोर्चाबाट निर्वाचित भएका थिए।