पछिल्लो २४ घण्टामा थप ६६५३ जनामा कोरोना संक्रमण पुष्टि, १०१ जनाको मृत्यु, ८६६३ डिस्चार्ज

काठमाडौं २१ जेठ । पछिल्लो २४ घण्टामा थप ६ हजार ६ सय ५३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १ सय १ जनाको मृत्यु भएको छ र ८ हजार ६ सय ६३ जना निको भएका छन् ।

स्वास्थ्य तथा जनसंख्या मन्त्रालयका अनुसार १४ हजार १ सय ८२ पीसीआर परीक्षणमा ४ हजार ६ सय २४ र ६ हजार ६ सय ३१ एन्टिजेन परीक्षणमा २ हजार २९ गरी ६ हजार ६ सय ५३ जनामा संक्रमण पुष्टि भएको हो ।

योसँगै नेपालमा कोरोना संक्रमितको संख्या ५ लाख ८१ हजार ५ सय ६० पुगेको छ । जसमध्ये सक्रिय संक्रमितको संख्या ९७ हजार ६ सय ९९ रहेको छ ।

मन्त्रालयका अनुसार पछिल्लो २४ घण्टामा १ सय १ जनाको मृत्यु भएको छ र ८ हजार ६ सय ६३ जना निको भएका छन् । निको हुनेको कुल संख्या ४ लाख ७६ हजार १ सय ३० जना पुगेको छ ।