दशैं तिहारलाई मध्यनजर गर्दै दाङमा अग्रिम टिकट बुकिङ खुल्ला

देउखुरी टुडेकर्मी, दाङ २३ असोज 

दाङमा यात्रुहरुलाई मध्येनजर गरेर दशैंमा अग्रिम टिकट बुकिङ हुने भएको छ । यसअघि यातायात प्रालिहरुले दशैं, तिहार र छठ पर्वलाई लक्षित गरेर एक महिना अघिदेखि नै अग्रिम टिकट बुकिङ खुलाउने गरेको भएपनि यो बर्ष कोरोना संक्रमणको जोखिम भएकै कारण केही ढिला हुने यातायात व्यवसायीहरुले बताएका छन् ।

अहिले दशैं आउन केही दिन बाँकी भएकाले सीमित मात्रामा गाडी संचालन गरेको त्रिशिद्धेश्वरी राप्ती यातायात प्रालिका सचिव प्रकाश भट्टले जानकारी दिनुभयो । दैनिक १२÷१५ वटा गाडी सञ्चालन गरेकोमा अहिले यात्रुहरुको कमीका कारण दैनिक ५ देखि ७ वटा मात्रै लामो दुरीको गाडी संचालन गरेको उहाँको भनाई छ ।पहाडी रुटहरुमा सल्यान, रुकुम, रोल्पा, प्यूठानलगायतका ठाउँहरुमा यात्रुहरुको संख्यामा कमी भएका कारण सामाजिक दुरी कायम गरेर यात्रुलाई सुविधा दिएको उहाँको भनाई छ ।