देशभरका यातायात कार्यालयको सेवा अनिश्चितकालका लागि बन्द (सुचना सहित)
![देशभरका यातायात कार्यालयको सेवा अनिश्चितकालका लागि बन्द (सुचना सहित)](https://deukhuritoday.com/wp-content/uploads/2022/03/vehicle_management_department_soZsOfg5ex.jpg)
दाङ ९ चैत यातायात व्यवस्था विभागले देशभरका यातायात कार्यालयहरुबाट दिने सबै सेवा अनिश्चितकालका लागि बन्द गर्ने भएको छ । सर्भरहरुमा विद्युतीय समस्या देखिएको भन्दै विभागले बुधबार अपरान्ह ५ बजेदेखि सबै सेवा बन्द गर्ने निर्णय गरेको हो ।
‘समस्या समाधान नभएसम्मका लागि सबै सेवा अवरुद्ध हुने जानकारीका लागि अनुरोध छ,’ विभागका प्रवक्ता लोकनाथ भुसालले सूचना जारी गरेर भनेका छन् । यसअघि विभागले लाइसेन्सका लागि नयाँ आवेदन लिन बन्द गरेको थियो । अब सवारी दर्ता, नामसारी, नवीकरण र कर भुक्तानीसहितका सबै सेवा अनिश्चतकालका लागि बन्द हुने भएको छ ।
प्रतिक्रिया दिनुहोस्