रेडियो राप्ती तथा राप्ती टेलिभिजनको अन्तिम दिनको देउसी भैलोमा ५८ हजार बढी कार्तिके दान संकलन

भालुवाङ २२ कार्तिक । हिन्दुहरुको दोस्रो ठूलो महान चार्ड शुभदिपावलीको अवसरमा भालुवाङ सञ्चार सेवा प्रालि द्वारा सञ्चालित रेडियो राप्ती तथा राप्ती टेलिभिजनले सञ्चालन गरेको चौथो तथा अन्तिम दिनको देउसी भैलो कार्यक्रम सम्पन्न भएको छ ।

मौलिक कला संस्कृतिको संरक्षण, हाम्रो अभियान भन्ने मुल नाराका साथ समावेशी रेडियो राप्ती स्रोता क्लवको सहकार्यमा सञ्चालित चौथो दिन राप्ती गाउँपालिका वडा नम्बर १ को भालुवाङ, पाखापानी वडा नम्बर २ को लालमटिया, बराखुटी वडा नम्बर ३ को मसुरीया, वडा नम्बर ४ को मौरीघाट, वडा नम्बर ६ को सगरापुर र वडा नम्बर ७ को बड्का सिसहनियाँ क्षेत्रमा देउसी भैलो कार्यक्रम सम्पन्न भएको छ ।

चौथो तथा अन्तिम दिनको देउसी भैलोमा ५८ हजार ५ सय ७० रूपैयाँ कार्तिके दान संकलन भएको छ । जस अनुसार राप्ती गाउँपालिका वडा ४ का समाजसेवी ज्ञानु केसीबाट १६ हजार १ सय रुपैयाँ, वडा नम्बर २ बराखुटी निवासी हिमानन्द पाण्डेबाट ५ हजार रुपैयाँ, राप्ती गाउँपालिका वडा नम्बर ६ का वडा अध्यक्ष वेदप्रसाद चौधरीबाट ५ हजार ५० रुपैयाँ, राप्ती गाउँपालिका वडा नम्बर १ का वडा अध्यक्ष ताराबहादुर डिसीबाट ४ हजार ६ सय, राप्ती गाउँपालिका वडा नम्बर १ भालुवाङ निवासी समाजसेवी बहादुरकर्ण केसीबाट ३ हजार १ सय रुपैयाँ, राप्ती गाउँपालिका वडा नम्बर ३ मसुरीया निवासी राजनीतिकर्मी धर्मराज अधिकारीबाट ३ हजार ५० रुपैयाँ कार्तिके दान संकलन भएको छ ।

यस्तै राप्ती गाउँपालिका वडा नम्बर १ पाखापानी निवासी ग्लोबल युथ क्लवका अध्यक्ष तथा शिक्षक रमेश कडेलबाट २ हजार ५ सय ५० रुपैयाँ, राप्ती गाउँपालिका वडा नम्बर ७ का वडा अध्यक्ष विद्याशरण चौधरीबाट २ हजार १ सय ५ रुपैयाँ, राप्ती गाउँपालिका वडा नम्बर २ बराखुटी निवासी सुरेन्द्र भुसालबाट २ हजार ५५ रुपैयाँ, सोही ठाउँ निवासी हरिप्रसाद भुसालबाट २ हजार रुपैयाँ, राप्ती गाउँपालिका वडा नम्बर १ भालुवाङ निवासी सञ्चारकर्मी इराधा झार्कीबाट २ हजार रुपैयाँ, भालुवाङ निवासी ओम मेडिको फार्मेसीका सञ्चालक तथा डा. शंकरनाथ योगीबाट २ हजार रुपैयाँ, भालुवाङ निवासी पोख्रेल किराना पसलका सञ्चालक विष्णुप्रसाद पोख्रेलबाट १ हजार ५० रुपैयाँ, राप्ती गाउँपालिका वडा नम्बर २ लालमटिया निवासी युवराज, नारायण र बसन्त भुसालबाट १ हजार ६ सय ५, राप्ती गाउँपालिका ३ मसुरीया निवासी रमेश बेल्वासेबाट १ हजार रुपैयाँ कार्तिके दान संकलन भएको स्टेसन म्यानेजर ओमप्रकाश गुप्ताले जानकारी दिएका छन् । संकलित रकम सञ्चारक्षेत्रको विकासमा खर्च गरिने बताइएको छ ।