प्रधानमन्त्री ओली भन्छन्– सक्कली र नक्कलीको फैसला भयो, कम्युनिस्टको मात्र होइन, देशकै मूल पार्टी यही हो

ओलीले काठमाडौंमा इतिहासकै सबैभन्दा ठूलो जनसभा भएको जिकिर पनि गरे । नेकपा प्रचण्ड–माधव समूहको आन्दोलनतर्फ व्यङ्‍ग्य गर्दै ओलीले भने, ‘काठमाडौंमा आमसभा गर्न ठाँउ भएन । अरुलाई जहाँ छाने पनि ठूलो हुन्छ । हामीलाई जहाँ छाने पनि सानो हुन्छ । काठमाडौंको सबैभन्दा धेरै अट्ने ठाँउ खोज्दा पनि सानो भयो, जता हेरे पनि खाँदाखाँद छ ।’

ओलीले आमसभा असफल पार्न आमहडताल, विप्लवको नाममा बम राखेको हल्ला चलाइए पनि व्यापक जनता सहभागी भएको बताए । ओलीले संघीय लोकतान्त्रिक गणतन्त्रात्मक व्यवस्थालाई कसैले पनि तलमाथि गर्न नसक्ने बताए ।