देउखुरीको पहरुवामा मोटरसाइकलको ठक्करबाट एक बृद्धा घाइते

देउखुरी १० मंसिर । दाङ—देउखुरीको पहरुवामा मोटरसाइकलको ठक्करबाट एक बृद्धा घाइते भएकी छिन् । लमहीबाट भालुवाङ तर्फ जाँदै गरेको रा ६ प ८२ नम्बरको मोटरसाइकलको ठक्करबाट राप्ती गाउँपालिका—५, पहरुवा निवासी बर्ष ६५ की सुकुली चौधरी घाइते भएको ईलाका प्रहरी कार्यालय सिसहनियाँले जनाएको छ ।

मोटरसाइकलको ठक्करबाट घाइते भएकी चौधरीको खुट्टामा गम्भीर चोट लागेको छ । घाइते चौधरीको अहिले सिसहनियाँ स्वास्थ्य चौकीमा उपचार भइरहेको छ । यता ठक्कर दिने मोटरसाइकल र मोटरसाइकल चालकलाई सिसहनियाँ प्रहरीले आफ्नो नियन्त्रणमा लिएको छ । पैदल हिडिरहेकी चौधरीलाई मोटरसाइकलले आज सोमबार बेलुका ६ बजेको समयमा पहरुवा चोकमा ठक्कर दिएको थियो ।