सर्वोदय मावि सिसहनियाँमा निमित्त प्रअको जिम्मेवारी गुप्तालाई

सिसहनियाँ ६ मंसिर । दाङको राप्ती गाउँपालिका वडा नम्बर ५ सिसहनियाँमा रहेको सर्वोदय माध्यमिक विद्यालयको निमित्त प्रधानाध्यापकको जिम्मेवारी विनोद कुमार गुप्ताले पाएका छन् ।

राप्ती गाउँपालिकाले माध्यमिक र आधारभुत तहका शिक्षकहरूको दरबन्दी मिलानका क्रममा प्रधानाध्यापक गोविन्द केसीको शंकर माध्यमिक विद्यालय पिपरीमा दरबन्दी मिलान भएपछि केसीले गुप्तालाई निमित्त प्रधानाध्यापकको जिम्मेवारी दिएका हुन् । गाउँपालिकाले माध्यमिक र आधारभुत तहका १ सय ३८ जना शिक्षकको दरबन्दी मिलान गरेको छ । शिक्षक दरबन्दी तथा अनुदानको समानुपातिक वितरण गरी सवै माध्यमिक तथा आधारभुत विद्यालयमा सम्बन्धीत तहको प्रधानाध्यापक व्यवस्थापन समेत हुने गरी दरबन्दी मिलान गरिएको हाे ।