राप्ती गाउँपालिकाको ९ नम्बर वडामा सञ्चालित विकासे याेजनाहरुकाे अनुगमन
भालुवाङ १ पुस । दाङको राप्ती गाउँपालिका वडा नं. ९ मा आर्थिक वर्ष २०८०/०८१ मा सञ्चालन भईरहेका र सम्पन्न भई सकेका विभिन्न विकासे याेजनाहरुकाे आइतबार अनुगमन गरिएको छ।
राप्ती गाउँपालिकाकी उपाध्यक्ष तथा याेजना अनुगमन समितिकि संयाेजक कमलापती चाैधरी नेतृत्वको टाेलीले उक्त याेजनाहरुकाे अनुगमन गरेकाे हाे। अनुगमन टाेलीले रुपाकाेट-जाबुने बाटो मर्मत, घुमाउने-नयाँगाउँ बाटाे स्तर उन्नति, नयाँ गाउँ – सिम्ले बाटो मर्मत, सल्ले – छुचुद्रे – रातामाटा बाटो मर्मत, राेहीणी – जाकिने बाटो मर्मत लगायतका सम्पन्न भई सकेका याेजनाहरु अनुगमन गरेकाे हाे।
त्यस्तै टाेलीले वडा कार्यालय रुपाकाेटकाे पर्खाल तथा गेट निर्माण र घाेरेबास देखि वडा कार्यालय सम्मको निर्माणाधीन
माेटर बाटाे स्तर उन्नति कार्यकाे पनि अनुगमन गरेकाे छ ।सीमित स्राेत साधनको बीच जनताहरुकाे मागलाई मध्यनजर गर्दै यस आर्थिक वर्ष वडामा १५ वटा याेजनाहरु छनाेट गरि सञ्चालन गरिएको वडा अध्यक्ष रिम बहादुर सुनारी मगरले बताएका छन् ।
यस वडा आफैमा पालिकाकै विकट पहाडी क्षेत्र मा पर्ने भएकाले पनि जन चाहाना अनुरुप काम गर्न समस्या हुने उनको भनाई रहेको छ। वडाका सव इन्जिनियर मान बहादुर जिसीका अनुसार वडाका १५ वटा याेजनाहरु मध्ये ८ वटा याेजनाकाे काम सम्पन्न भई सकेको २ वटा सञ्चालनमा रहेकाे र ५ वटा सञ्चालनकाे तयारीमा रहेको छ।
यस्तै गाउँपालिकाका अन्य वडाहरुमा सञ्चालित योजनाहरु पनि कतिपय सम्पन्न भइ सकेका छन् भने कतिपय सञ्चालनमै रहेका छन्। गाउँपालिकाले यस वर्ष समयमै याेजनाहरुकाे काम सम्पन्न गर्ने उदेश्यले कार्य तालिका नै बनाएर लागु गरेको छ।
