समाजसेवी बबिता मल्लद्वारा निलसागरलाई ५१ हजार रुपैयाँ सहयोग
देउखुरी २७ साउन । दाङको राप्ती गाउँपालिका वडा नं. ८ पिपरी घर भई हाल अस्ट्रेलिया बस्दै आएकी बबिता मल्ल (निमा)ले राप्ती गाउँपालिका ८ पिपरीमा रहेको निलसागर सेवा आश्रम दाङलाई ५१ हजार रुपैयाँ सहयोग प्रदान गरेको छ ।
मल्लले आश्रममा रहेका असहाय, बेसहारा मानवहरुका लागि खाना तथा उपचार सहयोगका लागि आश्रममै आइ साे रकम प्रदान गरेका हुन् । मल्लले आश्रममा रहेका बेसहाराहरुलाई सानाे भए पनि सहयोग गर्न पाउदा खुशी र आनन्दित महसुस भएको बताए । मल्ल शंकर सामुदायिक वन पिपरीका अध्यक्ष तथा समाजसेवी तुलाध्वज मल्लकी छाेरी हुन्।
आश्रमका कार्यवाहक अध्यक्ष गरिबु चाैधरीले मल्लकाे सहयोगले पछिल्लो समयका युवा पुस्ताहरुलाई समाज र मानव सेवा प्रति सहयोगकाे भावना जागरुक गराई सामाजिक उत्तरदायित्वका कार्यहरु प्रति अग्रसर हुन थप टेवा पुग्ने विश्वास व्यक्त गर्दै सहयोगका लागि धन्यवाद समेत ज्ञापन गरेका थिए
