चितुवासंग भिडन्त हुँदा एक जना घाइते, चितुवाको मृत्यु

भदौ २६ गुल्मी/ गुल्मीमा चितुवासँग भिडन्त हुँदा एक जना घाइते भएका छन् भने चितुवाको मृत्यु भएको छ । रेसुंगा नगरपालिका-६ निनीचौर निवासी ३० वर्षीय यम बहादुर कुँवर चितुवाको आक्रमणबाट घाइते भएका हुन् ।

कुँवरको प्रतिकारबाट चितुवाको मृत्यु भएको छ । कुँवरको गुल्मी अस्पताल तम्घासमा उपचार भइरहेको छ । उनको स्वास्थ्य अवस्था अहिले खतरामुक्त रहेको अस्पतालले जनाएको छ । उनको शरीरका विभिन्न भागमा चितुवाले आक्रमण गरेको छ ।