राप्तीमा निशुल्क तथा गुणस्तरीय शिक्षा कार्यान्वयन कार्यविधि २०७९ पास
भालुवाङ १९ साउन । दाङको राप्ती गाउँपालिकाले निशुल्क तथा गुणस्तरीय शिक्षा कार्यान्वयन कार्यविधि २०७९ पास गरेको छ ।
गाउँ कार्यपालिकाकी कार्यवाहक अध्यक्ष कमलापती चाैधरीको अध्यक्षतामा बुधबार बसेको २०७९/०८० को चाैथो कार्यपालिका बैठकले सो निर्णय गरेको हो ।
त्यस्तै बैठकले अनाथ बालबालिकाका लागि मासिक अनाथ भत्ता ५ सय रूपैयाँबाट वृद्धि गरि मासिक १ हजार रूपैयाँ दिने गरि कार्यबिधी पास भएको प्रवक्ता पहलवान चाैधरी ( अनुप) ले जानकारी दिएका छन् ।
भने राप्ती गाउँपालिका वडा नम्बर ८ को जिर्ण भवन तत्काल मर्मत गर्ने निर्णय गरेको छ । यस्तै बैठकले यस अघि गाउँपालिका क्षेत्रका विद्यालयमा बालबालिकाहरूमा भाइरल ज्वरो देखिए पछि यहि साउन १८ गते देखि २४ गते सम्म ७ दिनका लागि सामुदायिक तथा संस्थागत विद्यालयमा बिदा दिने निर्णय गरेको थियो ।
बैठकको सहजीकरण निमित्त प्रमुख प्रशासकीय अधिकृत जिवराज पाैडेलले गरेका थिए ।
