बृहत कार्यकर्ता भेलालाई सम्बोधन गर्न एमाले महासचिव पोख्रेल दाङ आउँदै
दाङ १३ साउन । नेकपा एमाले दाङको आयोजनामा हुन लागि रहेको बृहत कार्यकर्ता भेला एवं पार्टी प्रवेश तथा प्रशिक्षण कार्यक्रमलाई सम्बोधन गर्न नेकपा एमालेका महासचिव शंकर पोख्रेल दाङ आउन लागेका छन् ।
नेकपा एमालेले आयोजना गर्न लागि रहेको पार्टी प्रवेश एवं प्रशिक्षण कार्यक्रममा साउन १७ र १८ गते महासचिव पोख्रेल दाङमा रहने छन् । उनको उपस्थितिमा १७ र १८ गते घोराही एवं तुलसीपुरमा कार्यक्रम हुनेछ । सो अबसरमा अगुवा कार्यकर्ताहरुलाई प्रशिक्षण तथा एमाले प्रवेशीहरुलाई स्वागत गर्ने कार्यक्रम रहेको छ ।
एमाले दाङले सो कार्यक्रमलाई भव्य बनाउन विभिन्न कार्यहरु गरिरहेको छ । कार्यक्रममा सहभागिता जनाउन नेकपा एमाले दाङले सबैमा अनुरोध समेत गरेकाे छ । नेकपा एमाले दाङका अध्यक्ष हुकुम बहादुर बस्नेत र सचिव मनोहर बुढाथोकीले बिज्ञप्ति जारी गरी पार्टी महासचिव पोख्रेल सहित केन्द्रीय नेताहरु सहभागी हुने कार्यक्रममा सबैको उपस्थितिका लागि अनुरोध गरिएकाे छ ।
