देशभर पछिल्लाे २४ घण्टामा थप ३७४९ जनामा काेराेना सङ्क्रमण, ३५६४ जना डिस्चार्ज, १९ जनाको मृत्यु
देउखुरी टुडेकर्मी, काठमाडौं २९ असोज ।
नेपालमा वितेको २४ घण्टामा ३ हजार ७ सय ४९ जनामा कोरोना भाइरसको सङ्क्रमण पुष्टि भएको छ। १६ हजार ५ सय ९८ जनाको नमुना परीक्षण गर्दा ३ हजार ७ सय ४९ जनामा कोरोना पुष्टि भएको स्वास्थ्य तथा जनासख्ंया मन्त्रालयले जनाएको छ । यससँगै नेपालदमा कोरोना संक्रमितको कुल संख्या एक लाख २१ हजार ७ सय ४५ पुगेको छ ।
त्यस्तै वितेको २४ घण्टामा तीन हजार पाँच सय ६४ जना कोरोना संक्रमण मुक्त भएका छन् । यससँगै कोरोना मुक्त हुनेको कुल सख्ंया ८४ हजार ५ सय १८ पुगेको छ । अब नेपालमा ३६ हजार पाँच सय ३३ जना सक्रिय सङ्क्रमित आइसोलेशनमा रहेका छन् भने चार हजार आठ सय २५ जना क्वरेन्टाइनमा रहेको मन्त्रालयले जनाएको छ ।
यस्तै वितेको २४ घण्टामा १९ जनाको मृत्यु भएको छ । यससँगै कोरोना सङ्क्रमणबाट मृत्यु हुनेको सङ्ख्या ६ सय ९४ पुगेको मन्त्रालयका प्रवक्ता डाक्टर जागेश्वर गौतमले जानकारी दिएका छन् ।
