देशभर शुक्रबार थप १,१४६ जनामा कोरोना संक्रमण पुष्टि,१,६६० जना संक्रमणमुक्त, २१ जनाको मृत्यु

काठमाडौं, भदौ २५। देशभर शुक्रबार थप १ हजार १ सय ४६ जनामा कोरोना संक्रमण पुष्टि भएको छ । ८ हजार ५ सय ४९ नमुनाको पीसीआर परीक्षणमा ९ सय ६१ जना र २ हजार ३ सय ६७ नमुनाको एन्टिजेन परीक्षण गर्दा १ सय ८५ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।

शुक्रबार नै कोरोना संक्रमणबाट २१ जनाको मृत्यु भएको छ भने १ हजार ६ सय ६० जना संक्रमणमुक्त भएका छन् । नयाँ थपिएकासँगै नेपालमा कोरोना संक्रमितको कुल संख्या ८ लाख ६१ हजार ९ सय ५२ पुगेको छ । तीमध्ये ७ लाख ३६ हजार ६ सय ६६ जना निको भएका छन् भने हालसम्म १० हजार ९ सय २४ जनाको मृत्यु भएको छ ।

देशभर रहेका सक्रिय संक्रमितमध्ये २६ हजार २ सय ९६ जना होम आइसोलेसनमा रहेका छन् भने १ हजार ६ सय ६२ जना संस्थागत आइसोलेसनमा रहेका छन् । कोरोनाका बिरामीमध्ये ४ सय ५८ जनाको आईसीयू र १ सय ४५ जनाको भेन्टिलेटरमा उपचार भइरहेको छ ।