देशभर मंगलबार थप १,६७७ जनामा काेराेना सङ्क्रमण पुष्टि, २,०७२ जना संक्रमणमुक्त, २१ जनाकाे मृत्यु

काठमाण्डाै २२ भदाै । नेपालमा मंगलबार थप १ हजार ६ सय ७७ जनामा कोरोना सङ्क्रमण पुष्टि भएको छ । १५ हजार ३४ जनाको नमुना परीक्षण गर्दा १ हजार ६ सय ७७ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

परीक्षण गरिएका नमुनामध्ये ११ दशमलव १५ प्रतिशतमा सङ्क्रमण पुष्टि भएको हो । मंगलबार थपिएका सहित नेपालमा कोरोना सङ्क्रमण पुष्टि हुनेको सङ्ख्या ८ लाख ५७ हजार ८ सय ९५ पुगेको छ । यस्तै थप  २ हजार ७२ जना सङ्क्रमणमुक्त भएसँगै कोरोना  सङ्क्रमणबाट मुक्त हुनेको सङ्ख्या ७ लाख ३१ हजार पुगेको छ ।

यही अवधिमा थप २१ जनासहित कोरोना सङ्क्रमणका कारण ज्यान गुमाउनेको सङ्ख्या १० हजार ८ सय ७९ जना पुगेको छ । अहिले नेपालमा ३० हजार ३ सय ३ जना सक्रिय सङ्क्रमित रहेकामा ५ सय १४ जनाको आईसीयू र १ सय ५४ जनाको भेन्टिलेटरमा उपचार भइरहेको छ ।

यस्तै मंगलबार ८० हजार ४ सय जनाले कोरोना भाइरसविरुद्धको खोप लगाएका छन् । योसहित कोरोनाविरुद्धको पूर्ण खोप लगाउनेको सङ्ख्या ५० लाख १२ हजार ८ सय २१ जना र एक मात्रा खोप लगाउनेको सङ्ख्या ५६ लाख ३ हजार ७ सय ५७ जना पुगेको छ ।