निलसागरलाई करिव डेढ लाख बराबरको अक्सिजन कन्सनटेटर मेसिन र हुइल चियर प्रदान
भालुवाङ १ साउन । दाङ देउखुरीको राप्ती गाउँपालिका वडा नम्बर ८ पिपरीमा रहेको निलसागर सेवा आश्रममा अक्सिजन कन्सनटेटर मेसिन र हुइल चियर प्रदान गरिएको छ । कोरोना महामारीका बेला आश्रममा रहेका मानवहरु विरामी भएर अक्सिजन अभाव हुन नदिन र अपाङगता भएकाहरुलाई साहारा दिन बुटवलमा रहेको रोटरी इ क्लव अफ मेडिको फियुजन र राटरी क्लव बेक्स्ले युकेद्धारा सो सामाग्री प्रदान गरिएको हो ।
जसमा २ थान हुइल चियर र १ वटा अक्सिजन कन्सनटेटर मेसिन गरी कुल १ लाख ४० हजार बराबरको सामाग्री प्रदान गरिएको आम्दा अस्पताल बुटवलका डा. सन्तोष पोख्रेलले जानकारी दिएका छन् । आश्रमका जिल्ला संयोजक प्रकाश विष्टको अध्यक्षता एवम् आम्दा अस्पताल बुटवलका डा. सन्तोष पोख्रेलको प्रमुख आतिथ्यता र राप्ती गाउँपालिका वडा नम्बर ८ का वडा अध्यक्ष गोकणर्बहादुर रानाको विशिष्ट आतिथ्यतामा कार्यक्रम भएको हो ।
कार्यक्रममा डाक्टरहरु प्रकाश बस्नेत, विनिता भट्टराई, दिनेश गौतम, इन्जु ज्ञवाली, विनेश शाक्य, मञ्जु गुमाजु, अभिषेकमान बज्राचार्य, मदन ज्ञवाली, खलिल विन मिया, शेखर पोख्रेल लगायतको सहभागिता रहेको थियो । कार्यक्रममा निलसागर सेवा आश्रमका अभियान्ता दिपेन्द्र न्यौपाने, हिको संस्थाका कार्यक्रम संयोजक शालिकराम आचार्य लगायतका वक्ताहरुले आ आफ्नो भनाई राखेका थिए । कार्यक्रमको सञ्चालन आश्रमका अभियान्ता गरिवु चौधरीले गरेका थिए ।
