प्यूठानकाे सरूमारानीकाे बाङ्गेसाल क्षेत्रसमेत नयाँ राजधानीकाे अंग : मुख्यमन्त्री पाेख्रेेेल

प्रदेशसांसदहरूले बिर्से कि हेक्का नै राखेनन् ?
प्रदेशसभा बैठकमा भएकाे यश विषयमाथिकाे छलफलमा  बाेल्नेक्रममा प्यूठानबाट निर्वाचित भएका सभासदहरू हरि रिजाल र कृष्णध्वज खड्काले सरूमारानीकाे जाेडिएकाे क्षेत्रलाई राजधानीमा समेट्ने माग गर्न बिर्सेका वा हेक्का नै पु-याउन सकेनन् । छलफलकाे लाइभ प्रत्यक्ष हेरेका ददेरी बाङ्गेसाल क्षेत्रका बासिन्दाहरू अाफ्ना सांसदहरूकाे विषयवस्तुप्रतिकाे हुस्सुपन देखेर अाश्चर्य प्रकट गरेका छन्।
प्रेस सल्लाहकार थापाले चाहिँ साेमबार अपरान्ह नहुँदै याे माग सार्वजनिक रूपमा नै गरेर सिंगाे प्रदेश नेतृत्व र १२ वटै जिल्लाका जनसमुदायकाे ध्यानाकर्षण गर्नुभएकाे थियाे ।
मुख्यमन्त्रीले यसमा विशेष रूपमा गर्नुभएकाे संबाेधनका निम्ति थापाले जिल्लावासीहरूका तर्फबाट  उहाँलाई हार्दिक धन्यवाद दिनुभएकाे छ ।
स्थायी नाम र केन्द्र प्रदेश नं ५ काे अस्थायी नाम र परिचय हटेकाे छ । आज २०७७ साल असाेज २० गते प्रदेश सभाकाे बैठकमा गरिएकाे मतदानमा सहभागी ८२ सांसदहरूमध्ये नयाँ राजधानी भालुवाङको पक्षमा ६९ अर्थात् दुई तिहाई मत परेर लामाे समयदेखिकाे विवाद टुंगिएकाे छ । यसकाे  विपक्षमा १३ मत मात्र परेकाे स्थितिले भारी मतकाे समर्थन अभिव्यक्त भएकाे स्पष्ट हुन्छ ।
अन्तिम मत परिणाम अनुसार –
प्रदेशकाे नाम: लुम्बिनी हुनुपर्ने
पक्षमा : ७९ र विपक्ष : ४ मत तथा
राजधानी : राप्ती उपत्यकाकाे
पक्षमा  ६९ र  विपक्ष  १३ मत प-याे ।
राष्ट्रिय जनमाेर्चाकाे एक मत राजधानीकाे सम्बन्धमा मतदानमा सहभागी नभई यता न उता गरेकाे देखियाे भने प्रदेशकाे नाम लुम्बिनी हुनुपर्ने पक्षमा मतदान गरेकाे दृश्य राेचक थियाे । नेता थापाले नेकपा(मसाल)का महामन्त्री माेहनविक्रम सिंहलाई टेलिफाेन गरी राजधानी भालुवाङकाे पक्षमा मतदान गरेर सहयाेग गर्न अाग्रहसमेत गर्नुभएकाे थियाे । तर केही सांसदहरूद्वारा मतदान बहिस्कारसमेत गरिएकाे छ।
दुई तिहाई बहुमतले लुम्बिनी प्रदेश नाम  र भालुवाङ राजधानी हुने गरी प्रदेश सभाबाट शानदार रूपमा निर्णय भएकाे छ । यस ऐतिहासिक निर्णयका निम्ति – मुख्यमन्त्री शंकर पाेखरेलकाे कुशल, संयमित र शिष्ट नेतृत्व र अरू सम्बद्घ सबैले गरेकाे याेगदानप्रति हार्दिक बधाई दिनैपर्छ ।