देउखुरीको लालमटियामा दुई वटा मोटरसाइकल एक आपसमा ठोक्किदा २ जना घाइते
भालुवाङ ३१ असार । दाङको देउखुरीमा दुई वटा मोटरसाइकल एक आपसमा ठोकिँदा दुई जना घाइते भएका छन् ।
लमही- भालुबाङ सडक खण्ड अन्तर्गत राप्ती गाउँपालिका वडा नम्बर २ लालमटियामा सोमबार विहान ९:४५ बजेको समयमा पुर्वबाट पश्चिम गइरहेको रा ६ प ८०६७ नम्बरको मोटरसाइकल र पश्चिमबाट पुर्व गइरहेको रा ७ प ५०४८ नम्बरको मोटरसाइकल एक आपसमा ठोक्किएका हुन् ।
मोटरसाइकल दुर्घटनामा परि दुवै मोटरसाइकलका चालकहरू घाइते भएको इलाका प्रहरी कार्यालय भालुवाङले जानकारी दिएको छ । दुर्घटनामा परि राप्ती गाउँपालिका २ का ३२ वर्षिय भुपेन्द्र गुरूङ र आर्का मोटरसाइकल चालक राप्ती गाउँपालिका-८ निवासी २६ वर्षिय गंगाबहादुर शाह घाइते भएका छन् । घाइते दुवैको स्वास्थ्य चाैकी सिसहनियाँमा उपचार भइरहेको प्रहरीले बताएको छ ।
प्रतिक्रिया दिनुहोस्
