दाङमा १ सय वर्षिय वृद्धाले निलसागरमा मनाए जन्म दिन
भालुवाङ २० फागुन । दाङमा १ सय वर्षिय एक वृद्धले आफ्नो जन्मदिन निलसागर सेवा आश्रममा मनाएका छन् ।
राप्ती गाउँपालिका वडा नम्बर २ बराखुट्टी निवासी तुकमान गिरीले आइतवार आफ्नो स–परिवार सहित सोही गाउँपालिकाको वडा नम्बर ८ पिपरीमा रहेको आश्रममा पुगेर सडक आश्रित मानवहरुलाई मिष्ठान्न परिकार बनाएर खुवाएका छन् । जन्म दिनमा गरिने फजुल खर्च कटाएर गिरीले परिवार सहित निलसागरमा पुगेर सडक आश्रित बुवाआमाहरु सँग आर्शिवाद लिएर मिष्ठान्न परिकार खुवाएर आफ्नो जन्म दिन समाजसेवामा मनाएका हुन् ।
जताततै जन्म उत्सव केक काटेर फजुल खर्च गर्दै मनाएका बेला गिरीले आफ्नो जन्मदिन आश्रममा मनाएको गिरीकी नातिनी मुना गिरीले बताइन् । आश्रममा आइ मिष्ठान्न भोजन गराएको भन्दै आश्रमका केन्द्रिय अध्यक्ष सरिता खनाल र आश्रम दाङका कार्यवाहक अध्यक्ष गरिवु चौधरीले धन्यवाद तथा आभार ब्यक्त गरेका थिए । आश्रममा जन्म दिन मनाउन गिरीका छोरा बुहारी ऋषिराम गिरी, छवा गिरी, छोरी निता गिरी, नातीहरु कमल पहारी, मनिष गिरी, नातिनीहरु म्मता गिरी, मुना गिरी(केसी) र पनातिनी विपाश्ना केसी आएका थिए ।
