राप्ती नदी किनारमा वेवारिसे शव फेला
![राप्ती नदी किनारमा वेवारिसे शव फेला](https://deukhuritoday.com/wp-content/uploads/2023/09/376387181_323964026672794_8684009861033664530_n-copy.jpg)
भालुवाङ २६ भदौ । दाङको देउखुरी स्थित राप्ती नदी किनारमा एक वेवारिसे शव फेला परेको छ ।
आज दिउँसो १ बजेको समयमा राप्ती गाउँपालिका वडा नम्बर १ शान्तिपुर स्थित ज्यामिरे खोला नजिक राप्ती नदिको किनारमा नाम ठेगाना नखुलेका एक पुरुषको शव फेला परेको इलाका प्रहरी कार्यालय भालुवाङले जानकारी दिएको छ ।
५.५ फिट उचाई, मोटो शरीर, तालु खुइलिएको, माथि हरियो रङको टिसर्ट, डि.आर.इ. डब्लु लेखेको कालो हाप पाइन्ट लगाएको मंगोलियन जस्तो देखिने ती पुरुषको शव फेला परेको प्रहरीले बताएको छ । शवलाई राप्ती स्वास्थ्य विज्ञान प्रतिष्ठान घोराही पठाइएको छ । साथै शव पहिचान भएमा इलाका प्रहरी कार्यालयको फोन नम्बर ९८५७८९००६९ र ९८५७८५०१२० मा फोन गरेर जानकारी गराउन प्रहरीले आग्रह गरेको छ ।
प्रतिक्रिया दिनुहोस्