लुम्बिनी प्रदेशलाई शिक्षा क्षेत्रमा देशकै नमुना प्रदेश बनाइने छ : मन्त्री गुप्ता

भालुवाङ २२ भदौ । लुम्बिनी प्रदेशका सामाजिक विकास मन्त्री चन्द्रकेश गुप्ताले लुम्बिनी प्रदेशलाई शिक्षाको क्षेत्रमा देशकै नमुना प्रदेश बनाउने गरि काम भइरहेको बताएका छन् । “दिगो र शान्तिपूर्ण समाज निर्माणका लागि साक्षरता प्रवर्द्धन ” भन्ने मूल नाराका साथ राप्ती गाउँपालिकले शुक्रवार गाउँपालिकाकाे सभाहल मसुरियामा आयाेजना गरेकाे ५७ औं अन्तर्राष्ट्रिय साक्षरता दिवस कार्यक्रममा सम्बाेधन गर्दै साे कुरा बताएका हुन् । प्रमुख अतिथि समेत रहेकाे मन्त्री गुप्ताले  प्राविधिक र सिपमुलक शिक्षाले मात्रै सम्वृद्व देश बन्न सक्ने भन्दै उनले त्यस तर्फ सबैले ध्यान दिनु पर्ने कुरामा जाेड दिएका छन् । उनले अव गाउँ गाउँमा प्राविधिक शिक्षालय स्थापना गरि अगाडी बढ्ने बताए ।

राप्ती गाउँपालिकाका अध्यक्ष प्रकाश विष्टकाे अध्यक्षता तथा लुम्बिनी प्रदेशका सामाजिक विकास मन्त्री गुप्ताकाे प्रमुख आतिथ्यतामा भएकाे कार्यक्रममा  राप्ती गाउँपालिकाका अध्यक्ष प्रकाश विष्टले प्रतियोगितामा सहभागी विद्यार्थीहरुकाे क्षमताको उच्च प्रसंसा गर्दै वर्तमान अवस्थामा ज्ञान सँगसँगै सीप र संस्कारयुक्त शिक्षा हुन अवश्यक रहेको कुरा औंल्याए । त्यस्तै पालिकाका प्रमुख प्रशासकीय अधिकृत नेब बहादुर ओलीले हाल पालिकाकाे समग्र साक्षरता दर ७९.४ प्रतिशत रहेको बताउदै अगामी दिनमा त्यस दरलाई बढाउने गरि काम गर्नुपर्ने बताए ।

कार्यक्रममा ३ नं. वडा अध्यक्ष उमेश अधिकारी, ६ नं. वडा अध्यक्ष दिपक कुमार चाैधरी, कार्यपालिका सदस्यहरु, शिक्षा समितिका सदस्यहरु, विभिन्न सामुदायिक र संस्थागत विद्यालयका प्रधानाध्यापकहरु, स्काउट शिक्षकहरु,संचारकर्मी लगायत विद्यार्थीहरुकाे सहभागीता रहेको थियो । पालिकाका सामाजिक विकास समितिका संयाेजक तथा वडा नं. २ का वडा अध्यक्ष पहलवान चाैधरीकाे स्वागत मन्तव्य बाट शुरु भएको कार्यक्रमको सञ्चालन शिक्षा युवा तथा खेलकुद शाखा प्रमुख विश्वास विकले गरेका थिए ।

दिवसकाे अवसरमा पालिकाले आधारभूत र माध्यमिक तहका विद्यार्थीहरुलाई छुट्टाछुट्टै शिर्षकमा वक्तृत्वकला, कविता वाचन र निबन्ध प्रतियोगिता कार्यक्रम सम्पन्न गरेको पालिकाका शिक्षा युवा तथा खेलकुद शाखा प्रमुख विश्वास विकले जानकारी दिएका छन् । त्यस्तै पालिकाले प्राथमिक र आधारभूत तहका विद्यार्थीहरुलाई पनि फरकफरक विषयमा चित्रकला प्रतियोगिता सम्पन्न गरेको शाखा प्रमुख विकले बताए । कविता वाचन प्रतियोगितामा छात्रा तर्फ नवप्रतिभा आधारभूत विद्यालय पाखापानीकी खुशी थापा मगर प्रथम, पब्लिक एजुकेसन एकेडेमी बराखुट्टीकी सजिना आचार्य द्वितीय र ज्ञानाेदय माध्यमिक विद्यालय पत्थरगढवाकी सुनिता शेर्पा तृतीय भएकी थिइन् ।

भने छात्र तर्फ सर्वाेदय माध्यमिक विद्यालय सिसहनियाँका टिकाराम भुसाल प्रथम, पब्लिक एजुकेसन एकेडेमी बराखुट्टीका अंकुश खनाल द्वितीय र नेपाल राष्ट्रिय माध्यमिक विद्यालय भालुवाङका हर्षित गुप्ता तृतीय भएका थिए । त्यस्तै वक्तृत्वकला प्रतियोगितामा छात्रा तर्फ ज्ञानाेदय माध्यमिक विद्यालय पत्थरगढवाकी सुनिता शेर्पा प्रथम, नेपाल राष्ट्रिय माध्यमिक विद्यालय भालुवाङका सुष्मा भण्डारी द्वितीय र माध्यमिक विद्यालय माैरीघाटकी अनिसा खनाल तृतीय भएकी थिइन् । भने छात्र तर्फ सर्वाेदय माध्यमिक विद्यालय सिसहनियाँका तारा प्रसाद शर्मा प्रथम, गाेर्खा आइडियल स्कुल लालमटियाका प्रिन्स बाेहरा द्वितीय र पब्लिक एजुकेसन एकेडेमी बराखुट्टीका लिलामणी पाैडेल तृतीय भएका थिए । आधारभूत तहमा निबन्ध प्रतियोगितामा छात्रा तर्फ गाेल्डेन फ्युचर इङलिस स्कुल बिजाैरीकी अनु चाैधरी प्रथम, लिटिल एञ्जल स्कुल भालुवाङ्गकी नियुक्ति बुढा मगर द्वितीय र गाेर्खा आइडियल स्कुल लालमटियाकी इच्छा केसी तृतीय भएकी थिइन् । भने छात्र तर्फ गाेर्खा आइडियल स्कुल लालमटियाका रिजन चन्द प्रथम, सिद्वार्थ इङलिस स्कुल माैरीघाटका अरुण गुप्ता द्वितीय र लिटिल एञ्जल स्कुल भालुवाङका सन्देश सुवेदी तृतीय भएका थिए ।

त्यस्तै साेही प्रतियोगितामै माध्यमिक तहमा छात्रा तर्फ माध्यमिक विद्यालय रुपाकाेटकी कुस्मा वली प्रथम, पब्लिक एजुकेसन एकेडेमी बराखुट्टीकी साेनिया भण्डारी द्वितीय र माध्यमिक विद्यालय माैरीघाटकी सृष्टि गिरी तृतीय भएकी थिइन् । भने छात्र तर्फ नेपाल राष्ट्रिय माध्यमिक विद्यालय भालुवाङका ललित घर्ती मगर प्रथम, आदर्श नमुना माध्यमिक विद्यालय लालमटियाका मिलन पाेख्रेल द्वितीय र सर्वाेदय माध्यमिक विद्यालय सिसहनियाँका राजिब याेगी तृतीय भएका थिए। चित्रकला प्रतियोगितामा आधारभूत तहमा छात्रा तर्फ माध्यमिक विद्यालय रुपाकाेटकी तबसुन खातुन प्रथम, गाेल्डेन फ्युचर इङलिस स्कुल बिजाैरीकी प्रविना चाैधरी द्वितीय, गाेर्खा आइडियल स्कुल लालमटियाकी लेखा सुवेदी र सिरिन भ्याली पब्लिक स्कुल माैरीघाटकी जस्मिना नाथ तृतीय भएकी थिइन् । भने छात्र तर्फ सिरिन भ्याली पब्लिक स्कुल माैरीघाटका याेगेश चाैधरी प्रथम, दिपज्याेती इङलिस स्कुल सिसहनियाका अनमाेल परियार द्वितीय र गाेर्खा आइडियल स्कुल लालमटियाका निरज अधिकारी तृतीय भएका थिए ।

त्यस्तै साेही प्रतियोगितामै प्राथमिक तहमा छात्रा तर्फ माध्यमिक विद्यालय माैरीघाटकी स्नेहा चाैधरी प्रथम, पब्लिक एजुकेसन एकेडेमी बराखुट्टीकी आयुषा शर्माले द्वितीय र मुनलाइट इङलिस स्कुल लालमटियाकी अन्सिका थापा मगर तृतीय भएकी थिइन् । भने छात्र तर्फ सर्वाेदय माध्यमिक विद्यालय सिसहनियाँका राहुल सुनार प्रथम, दुर्गा भवानी आधारभूत विद्यालय मसुरियाका सुभास चाैधरी द्वितीय र माध्यमिक विद्यालय माैरीघाटका सुसान्त नेपाली तृतीय भएका थिए । पालिकाले प्रतियोगितामा प्रथम, द्वितीय र तृतीय हुने विद्यार्थीहरुलाई क्रमश ४ हजार , ३ हजार र २ हजार नगद सहित प्रमाणपत्र प्रदान गरि पुरस्कृत गरेको छ।