राप्तीले आज राष्ट्रिय शिक्षा दिवस मनाउँदै : प्रतियाेगी बिजेताहरुलाई पुरस्कार वितरण गरिने

भालुवाङ २ असाेज । दाङको राप्ती गाउँपालिकाले आज विशेष समाराेहका बीच राष्ट्रिय शिक्षा दिवस मनाउँन लागेकाे छ ।

“ज्ञान, विज्ञान, सीप, उद्दम र मौलिकता : साझेदारी र प्रणालीगत सक्षमता” भन्ने मुल नाराका साथ राष्ट्रिय शिक्षा दिवस २०८१ मनाउन लागेकाे हाे । दिवसका अवसरमा मंगलबार विभिन्न प्रतियोगिता समेत सम्पन्न भएका छन्। शिक्षा दिवसकाे अवसरमा पालिकाले आधारभूत र माध्यमिक तहका विद्यार्थीहरु बीच छुट्टाछुट्टै निबन्ध, वक्ततृत्वकला, कविता र चित्रकला प्रतियोगिता सम्पन्न गरेको हाे। राप्ती गाउँपालिकाकाे सभाहल मसुरीयामा सम्पन्न भएको “स्वच्छ विद्यालय स्वास्थ्य विद्यार्थी, सरसफाइमा विद्यार्थीकाे भूमिका” विषयक आधारभूत तहको निबन्ध प्रतियोगितामा गोरखा आइडियल स्कूल राप्ती २ लालमटियाकी विज्ञमाया वि.क.प्रथम,सिरिनभ्याली पब्लिक स्कूल राप्ती ४ मौरीघाटका सुशान्त खत्री द्वितीय, मुनलाइट माध्यमिक विद्यालय राप्ती २ लालमटियाका कृष्ण पोखेल र सिरिनभ्याली पब्लिक स्कूल राप्ती ४ मौरीघाटकि रमिला चौधरी तृतीय भएकी छन् ।

त्यसैगरी “स्थानीय उत्पादन उद्यमशिलता,समृद्ध गाउँपालिकाकाे आधार” विषयक माध्यमिक तहकाे निबन्ध प्रतियोगितामा गोरखा आइडियल स्कूल राप्ती २ लालमटियाकी इच्छा केसी प्रथम,पब्लिक एजुकेशन एकेडेमी राप्ती – २ लालमटियाकि आशिका शर्मा र आदर्श माध्यमिक विद्यालय राप्ती २ लालमटियाका सन्दिप गिरी द्वितीय र नेपाल राष्ट्रिय माध्यमिक विद्यालय राप्ती १ भालुवाङकी ललिता घर्तिमगर तृतीय भएकी छन् । त्यस्तै “ज्ञान ,विज्ञान,सीप,उद्यम र माैलिकता देश विकासको आधार” विषयक खुल्ला वक्ततृत्वकला प्रतियोगितामा माध्यमिक विद्यालय राप्ती ४ मौरीघाटकि अनिशा खनाल प्रथम ,आदर्श माध्यमिक विद्यालय राप्ती २ लालमटियाकि साधना केसी द्वितीय र पब्लिक एजुकेशन एकेडेमी राप्ती २ लालमटियाकी संस्कृति भुषाल तृतीय भएकी छन् ।

“विद्यार्थीकाे सपना,देशको आशा” विषयक खुल्ला कविता प्रतियोगितामा आदर्श माध्यमिक विद्यालय राप्ती २ लालमटियाकि शान्ति गुप्ता प्रथम,दुर्गा भवानी आधारभूत विद्यालय राप्ती ३ मसुरियाकि पुष्पा बस्नेत द्वितीय र नव प्रतिभा आधारभूत विद्यालय राप्ती १ पाखापानीकि खुशी थापा तृतीय भएकी छन्। त्यसैगरी मंगलबार नै आदर्श नमुना माध्यमिक विद्यालय राप्ती २ लालमटियामा १ देखि ५ कक्षा सम्मका विद्यार्थीहरु बीच भएको “सफा र स्वच्छ विद्यालय” विषयक चित्रकला प्रतियोगितामा माध्यमिक विद्यालय राप्ती ४ मौरीघाटकि स्नेहा चाैधरी प्रथम,सर्वोदय माध्यमिक विद्यालय राप्ती ५ सिसहनियाँकि रिया चाैधरी द्वितीय र चन्द्रज्योती इंगलिस स्कूल राप्ती -२ लालमटियाका विपिन केसी तृतीय भएका छन् । भने ६ देखि ८ कक्षा सम्मका विद्यार्थीहरु बीच भएको “राप्तीका धार्मिक तथा पर्यटकीय स्थल” विषयक चित्रकला प्रतियोगितामा मुनलाइट इंगलिस स्कूल राप्ती २ लालमटियाकि आकृति रावत प्रथम ,इन्द्रेणी इंगलिस बोर्डिङ स्कुल राप्ती ६ पत्थरगढवाका प्रतीक चाैधरी र गोरखा आइडियल स्कूल राप्ती २ लालमटियाकी साेरारानी बुढा मगर द्वितीय र दिपज्योती इंगलिस स्कूल राप्ती ५ सिसहनियाँका अनमोल परियार तृतीय भएका छन् ।

प्रतिक्रिया दिनुहोस्