जलचर जलिय जैविक विविधता संरक्षणका लागि भानपुर देखि राप्ती पुल सम्म राप्ती नदी सरसफाई

ओमप्रकाश गुप्ता, सिसहनियाँ १८ कार्तिक ।

दाङको देउखुरीमा राप्ती नदी सरसफाई गरिएको छ । जलचर जलिय जैविक विविधता संरक्षण सम्बद्र्धधनका लागि मानव कल्याण तथा बन बाताबरण संरक्षण केन्द्र दाङ्गको सहयोगमा राप्ती र गढवा गाउँपालिकामा गठित मछुवार समुहको सक्रिय सहभागिता राप्ती नदी सरसफाई गरिएको हो ।

राप्ती गाउँपालिकामा गठित बैखा माछा जलचर जलिय जैविक विविधता संरक्षण समूह र गढवा गाउँपालिकामा गठित शहर माछा जलचर जलिय जैविक विविधता संरक्षण समूहको सहभागितामा राप्ती गाउँपालिका वडा नम्बर ७ भानपुर देखि सिसहनिया–महदेवा जोड्ने राप्ती पुल सम्मको क्षेत्रमा राप्ती नदी सरसफाई गरिएको राप्ती गाउँपालिकाका प्रवक्ता तथा ७ नम्बर वडा अध्यक्ष विद्याशरण चौधरीले जानकारी दिएका छन् ।

बढ्दो जनसंख्या संगै मानवीय क्रियाकलापहरुका कारण पछिल्लो समय नदी तथा खोलाहरु प्रदुषित हुँदा त्यसको प्रत्येक्ष असर जलिय जिवजन्तुमा पर्ने र नदीमा फालिएको फोहोरमा भएका सिसाका टुक्राले जिवजन्तु घाइते हुने भएकाले पनि सरसफाई गरिएको वडा अध्यक्ष चौधरीले बताएका छन् ।