राप्ती नदीमा दाउरा टिप्न गएकी चौधरी बेपत्ता, नदीको बीचमा फसेका केहीको उद्दार कार्य जारी

देउखुरी २८ साउन । राप्ती नदिमा दाउरा टिप्ने क्रमममा बगेर बिहीबार एक महिला बेपत्ता भएकी छिन् । बेपत्ता हुनेमा गढवा गाउँपालिका वडा नं. ३ का ४५ बर्षीय टेकरानी चौधरी रहेको जिल्ला प्रहरी कार्यालय दाङले जनाएको छ । नदीको बीचमा फसेका केहीको उद्दार भैरहेको दाङका प्रमुख जिल्ला अधिकारी रामबहादुर कुरूवाङ्गले जानकारी दिएका छन् ।

जिल्ला प्रशासन कार्यालय दाङले बिहीबार दिउसो सूचना जारी गर्दै राप्ती नदिमा पानीको बहाव खतराको नजिक रहेको भन्दै तटिय क्षेत्रका बासिन्दालाई उच्च सर्तकता अपनाउन भन्दै दाउरा नटिप्न अनुरोध गरेको थियो ।